Դեկտեմբերի 10–12-ը Գորիսի Յուրի Բախշյանի անվան թիվ 3 հիմնական դպրոցում անցկացվել է ուսումնական նյութերի, դասագրքերի և տետրերի պահպանության, վարման վերահսկողություն։ Ստուգումն իրականացրել են ԿԱԴԱՀ Արմիդա Գևորգյանը և դպրոցի գրադարանավար Կարինե Շեգունցը։ Վերահսկողության ընթացքում ուսումնասիրվել են սովորողների տետրերի և դասագրքերի վարման որակը, պահպանությունն ու խնամքը։ Նման ստուգայցերը նպատակ ունեն ապահովելու, որ ուսումնական նյութերը ճիշտ և կոկիկ ձևով օգտագործվեն՝ նպաստելով ուսումնառության հանդեպ սովորողների պատասխանատու վերաբերմունքին։ Պատասխանատուները նաև դասվարներին ու դասղեկներին ներկայացրել են համապատասխան ցուցումներ՝ հետագայում բացառելու տետրերի և դասագրքերի ոչ պատշաճ կիրառման դեպքերը։ Մանկավարժական շղթայի բոլոր օղակների համադրված աշխատանքը կարևոր է կրթության որակի բարձրացման համար։
| |
|
| |
| Դիտումներ: 98 | |
| Մեկնաբանություններն ընդամենը՝: 0 | |