Գորիսի Յու. Բախշյանի անվան թիվ 3 հիմնական դպրոցի աշակերտուհի Լիլի Մալինցյանը մասնակցել է «Դեկարտ» մանկապատանեկան մշակութային կենտրոնի կողմից հայտարարված նկարչական մրցույթին և զբաղեցրել է առաջին հորիզոնականը։ Բարեգործական մրցույթը նախատեսված էր բացառապես տաղանդավոր երեխաների բացահայտման, մասնագիտական կրթության ապահովման և միջազգային հարթակներում նրանց աշխատանքների ցուցադրման նպատակով։ Լիլին, ընտրելով հայկական երաժշտության հավերժական խորհրդանիշ Կոմիտասին` որպես իր նկարի հերոս, կարողացել է պատկերել նրա լուսավոր ու հուզառատ հոգին։ Մրցույթում զբաղեցնելով պատվավոր առաջին հորիզոնականը` հնարավորություն է ստացել մեկ տարի անվճար մասնագիտական ուսուցում ստանալ «Դեկարտ» մանկապատանեկան մշակութային կենտրոնում: Հուլիսի 10-ին մասնակցել է նկարիչների միությունում կայացած ցուցադրությանը և հնարավորություն է ստացել մասնակցելու Մոսկվայում կայանալիք ցուցահանդեսին։ | |
|
| |
| Դիտումներ: 445 | |
| Մեկնաբանություններն ընդամենը՝: 0 | |