Գորիսի Յուրի Բախշյանի անվան թիվ 3 հիմնական դպրոցի «Ինֆորմատիկա/ԹԳՀԳ» առարկայի ուսուցչուհի Օլյա Ղուլյանը Բնագիտամաթեմատիկական առարկաների մեթոդմիավորման նիստում հանդես է եկել զեկույցով, որում ներկայացրել է իր կողմից համահեղինակած «Օպերացիոն համակարգեր, ծրագրեր» ուսումնական ձեռնարկը։ Ձեռնարկի համահեղինակներն են Գորիսի Յուրի Բախշյանի անվան թիվ 3 հիմնական դպրոցի տնօրենի պաշտոնակատար Սերգեյ Ավանեսյանը և Գորիսի պետական քոլեջի Մաթեմատիկայի, ինֆորմատիկայի և տնտեսագիտության ամբիոնի դասախոս Զարինե Աբգարյանը։ Այն նախատեսված է միջին մասնագիտական ուսումնական հաստատություններում ներդրված ՏՏ մասնագիտություններում ուսուցումը կազմակերպելու համար։ Ձեռնարկում անդրադարձ է կատարվում հաշվողական տեխնիկայի զարգացման պատմությանը, անհատական համակարգիչներին, ինտերֆեյսին, տարածված օպերացիոն համակարգերին, համակարգչային ծրագրերին և մի շարք այլ թեմաների։ Ուսումնական ձեռնարկը քննարկվել և հավանության է արժանացել դպրոցի Բնագիտամաթեմատիկական առարկաների մեթոդմիավորման նիստում, ինչպես նաև Գորիսի պետական քոլեջի Մաթեմատիկայի, ինֆորմատիկայի և տնտեսագիտության ամբիոնի նիստում: «Օպերացիոն համակարգեր, ծրագրեր» ուսումնական ձեռնարկը հեղինակների երրորդ ձեռնարկն է։ Ավելի վաղ հրապարակվել են «Տեղեկատվության անվտանգություն» և «Համակարգչային տեխնոլոգիա» ուսումնական ձեռնարկները: «Օպերացիոն համակարգեր, ծրագրեր» ձեռնարկին կարող եք ծանոթանալ այստեղ: | |
|
| |
| Դիտումներ: 109 | |
| Մեկնաբանություններն ընդամենը՝: 0 | |