Դեկտեմբերի 4-ին Գորիսի Յուրի Բախշյանի անվան թիվ 3 հիմնական դպրոցի 2-րդ «Ա» դասարանում դասղեկի դասաժամը նվիրված էր կարևոր և արդիական թեմայի՝ «Բուլինգ. պաշտպանվելու միջոցներ» ուսանելի քննարկմանը։ Դասը վարեց դասվար Իրինա Ջավահիրյանը, ով սովորողներին ներկայացրեց բուլինգի հիմնական տեսակները, դրանց դրսևորումները և ինքնապաշտպանության արդյունավետ մեթոդները։ Դասի ընթացքում երեխաները սովորեցին տարբերել ֆիզիկական, հոգեբանական, խոսքային և կիբերբուլինգի դրսևորումները, լսեցին կյանքի իրական օրինակներ և քննարկեցին, թե ինչպես ճիշտ արձագանքել նման իրավիճակներում։ Դասվար Ջավահիրյանը շեշտեց, որ յուրաքանչյուր երեխա պետք է զգա իրեն ապահով դպրոցում, որ բուլինգի կանխարգելման լավագույն ճանապարհը փոխադարձ հարգանքն ու թիմային աջակցությունն է։ Դասաժամը զուգորդվեց հարցուպատասխաններով, գործնական իրավիճակային վարժություններով և սովորողների ակտիվ մասնակցությամբ, ինչը նպաստեց թեմայի խորքային ընկալմանը։ Դպրոցում նմանաբնույթ դասերը շարունակական են և ուղղված են սովորողների հոգեբանական անվտանգության ապահովմանը և առողջ միջավայրի ստեղծմանը։
| |
|
| |
| Դիտումներ: 89 | |
| Մեկնաբանություններն ընդամենը՝: 0 | |