«Տեխնոլոգիա» առարկայի դասաժամի ընթացքում դպրոցի աշակերտները խմբերով այցելում են դպրոցի ջերմատուն, ծանոթանում պայմաններին, կատարում քաղհան, ջրում: Ջերմատան այգեպան Նունե Ջավահիրյանը այցերի ընթացքում աշակերտներին ներկայացնում է ջերմատան հողի տեղաձևման, տնկման խտության և բաժակների պատրաստման մի քանի տարբերակներ, որից հետո աշակերտների հետ միասին կատարում են լոլիկի, ռեդիսկայի և հազարի թաղարների քաղհան ու ջրում:
Աշակերտները ոգևորված են և հաճույքով են այցելում ջերմատուն ու մասնակցում իրականացվող աշխատանքներին: Այսուհետ նույնպես դպրոցի սաները ակտիվորեն կներգրավվեն ջերմատանն իրականացվող աշխատանքներին: Դպրոցամերձ ջերմատներում ու այգիներում կիրառվող նորարարական մոտեցումներն և տեխնոլոգիաները ունեն ոչ միայն ուսուցողական նշանակություն, այլև ոգևորիչ են և մոտիվացնող, քանի որ աշակերտները հնարավորություն են ստանում անմիջական մասնակցություն ունենալ գյուղմթերքի մշակմանը և ձեռք բերել ժամանակակից եղանակներով մշակաբույսերի աճեցման հմտություններ, ծանոթանալ արտադրական ողջ արժեշղթային։ Հավելենք, որ ջերմատունը դպրոցում հիմնվել է ՄԱԿ-ի Պարենի համաշխարհային ծրագրի (ՊՀԾ) աջակցությամբ՝ «Դպրոցական սնունդ» ծրագրի շրջանակում:
| |
|
| |
| Դիտումներ: 845 | |
| Մեկնաբանություններն ընդամենը՝: 0 | |