«Դասը վարում է ծնողը» նախաձեռնության շրջանակում տասներկուերորդ հանդիպումը տեղի ունեցավ 5-րդ «Գ» դասարանում։ Դասը վարեց ՀՀ ՊՆ N զորամասի զինծառայողը։ Դասի թեման էր՝ «Զինվորական դաստիարակություն»։

Դասի շրջանակում աշակերտները լսեցին զրույցներ զինվորական ծառայության կարևորության մասին, դիտեցին պատմական նյութեր և տեսանյութեր հայ զինվորների սխրագործություններից։ Հատուկ ուշադրություն դարձվեց զինվորական դաստիարակության մեջ կարգապահությանն ու ազգային արժեքների պահպանմանը։

Դասը նպատակ ուներ բարձրացնել աշակերտների հայրենասիրական ոգին և ծանոթացնել նրանց զինվորական պատրաստության հիմունքներին։ Դասի ընթացքում ծնողը կարևորեց հայրենիքի պաշտպանության, բանակի ու զինծառայողների դերը Հայաստանի անվտանգության ապահովման գործում։

Ծնողը նաև ընդգծեց, որ զինվորական դաստիարակությունը ոչ միայն ֆիզիկական պատրաստություն է, այլև հոգեբանական ու բարոյական արժեքների, պատասխանատվության կարևորում։

Այս դասը դարձավ լավ հնարավորություն աշակերտների համար հասկանալու իրենց ժողովրդի պատմությունը, ինչպես նաև ռազմական ծառայության կարևորությունը մեր երկրի գոյության և պաշտպանվածության համար։

Գորիսի Յուրի Բախշյանի անվան թիվ 3 հիմնական դպրոցի տնօրինությունը շնորհակալություն է հայտնում 5-րդ «Գ» դասարանի ծնողին՝ նախաձեռնությանը մասնակցելու համար։