Գորիսի Յուրի Բախշյանի անվան թիվ 3 հիմնական դպրոցի 7-րդ «Ա» դասարանի աշակերտները, դասղեկ Շահանե Հովսեփյանի ուղեկցությամբ, ճանաչողական այց կատարեցին «Արտաքին գովազդ Գորիսում» արտադրամաս-կազմակերպություն։

Այցի ընթացքում երեխաները ծանոթացան արտադրամասի հիմնական աշխատանքային պրոցեսներին՝ մանրամասն դիտելով տպագրական հաստոցի, պլոտերային կտրող սարքի և լազերային հաստոցի աշխատանքը։ Արտադրամասի աշխատակիցների ուղեկցությամբ աշակերտները հնարավորություն ունեցան գործնականորեն մասնակցելու տպագրության գործընթացին. նրանք իրենց ձեռքերով տպագրեցին դպրոցի տարբերանշանը և պատրաստեցին փայտե հուշանվերներ:

Այցը ոչ միայն հետաքրքիր և ուսուցողական էր, այլև նոր գիտելիքներ և հմտություններ տվեց աշակերտներին։ Երեխաներն ակտիվորեն հարցեր ուղղեցին արտադրամասի աշխատակիցներին և ստացան սպառիչ պատասխաններ։

Գորիսի Յուրի Բախշյանի անվան թիվ 3 հիմնական դպրոցի տնօրենությունը երախտագիտություն է հայտնում «Արտաքին գովազդ Գորիսում» կազմակերպության տնօրեն Վահե Գաբրիելյանին՝ ջերմ ընդունելության, համագործակցության և երեխաներին անմոռանալի փորձառություն նվիրելու համար։