Դեկտեմբերի 17-ին Գորիսի Յուրի Բախշյանի անվան թիվ 3 հիմնական դպրոցի 3-րդ «Բ» դասարանում «Կերպարվեստ» առարկայի ուսուցչուհի Սոնա Միրզոյանի կողմից կազմակերպվել էր բաց դաս՝ «Բնանկարչություն» թեմայով: Բաց դասի ընթացքում աշակերտները ներկայացրին նախորդ դասաժամերին ձեռք բերած գիտելիքները կերպարվեստի ճյուղերի և ժանրերի մասին, նշեցին հիմնական և բաղադրյալ գույները: Դասն առավել պատկերավոր և ուսանելի դարձնելու համար ուսուցչի կողմից կիրառվեց «Պրիզմայի» մեթոդը։ Աշակերտները թվարկեցին եղանակները բնութագրող գույները։ Դասի ընթացքում հնչեցին բանաստեղծություններ, երգեր, ինչպես նաև բեմադրվեց «Տարվա եղանակները» հեքիաթը: Դասի նպատակն էր աշակերտներին ծանոթացնել հայրենի երկրի բնաշխարհի, տարվա եղանակների գույների բազմազանության հետ, հայրենի երկրի բնաշխարհի նկատմամբ ձևավորել սեր, հետաքրքրություն և հոգատարություն: Աշակերտների մոտ ձևավորվեց պատկերացում կերպարվեստի ժանրերի, ջրաներկի ճիշտ օգտագործման, գույների և երանգների մասին: Նրանք ներկայացրին նաև մեծանուն նկարիչների մասին տեղեկատվություն:
| |
|
| |
| Դիտումներ: 217 | |
| Մեկնաբանություններն ընդամենը՝: 0 | |