Ապրիլի 18-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Օլիմպիական խաղեր» թեմայով նախագծային աշխատանքը ղեկավարում էին «Անգլերեն» առարկայի ուսուցչուհի Թագուհի Գրիգորյանը, «Ֆիզկուլտուրա» առարկայի ուսուցչուհի Աննա Աբգարյանն ու «ԹԳՀԳ» առարկայի ուսուցչուհի Օլյա Ղուլյանը։

Նախագծային աշխատանքն իրականացրին 7-րդ «Բ» դասարանի աշակերտներ Միլենա Հովհաննիսյանը, Յուլյան Մանուչարյանը,  Մարի Կոստանդյանը, Դավիթ Ֆարամազյանը, Անուշ Արզումանյանը, Արինե Մաթևոսյանը, Միլենա Մակարյանը, Նարե Պետրոսյանը, Էլեն Հայրապետյանն ու Ալեն Դադունցը։

Նախագծային աշխատանքի հիմնահարցը (հիմնախնդիրը)` 

• Երեխաների մեջ առաջացնել մոտիվացիա,որպեսզի վարեն առողջ ապրելակերպ:

Նախագծային աշխատանքի նպատակը՝

• Ներկայացնել օլիմպիական խաղերի որոշ մարզաձևեր
• Ներմուծել և ամրապնդել թեմային համապատասխան բառապաշարը:
• Զարգացնել օլիմպիական խաղերը բանավոր խոսքում ներկայացնելու հմտություններ,
• Կարևորել հին հույների «Առողջ հոգի առողջ մարմնում» կարգախոսը:

Նախագծային աշխատանքի վերջնարդյունքներն են՝

• Կցուցաբերի արդյունավետ ինքնուրույնություն, ստեղծագործական երևակայություն և մտածողություն։
• Կցուցաբերի պատասխանատվություն թիմային աշխատանքում, արդյունավետ կկառավարի և´ իրենց, և´ թիմակիցների ժամանակը։ 
• Կդրսևորի համագործակցային և սոցիալական հմտություններ։ 
• Կդրսևորի հետազոտելու, փորձարկելու, տարբեր գործիքակազմեր համադրելու կարողություն։
• Կգտնի տեղեկույթ տարբեր աղբյուրներից այն օգտագործելիս կատարել հղումներ։
• Կտիրապետի առարկայական բառապաշարի, կընկալի թեմայի բովանդակությունը, կտան  մանրամասն նկարագրություն, բացատրություն։
• Կձևակերպի հետազոտության պլան, կհետևի դրան։
• Կմեկնաբանի, կվերլուծի տեղեկատվությունը։
• Կներկայացնի հետազոտության թեմայի վերաբերյալ սեփական կարծիքն ու առաջարկությունները, կկատարի եզրահանգումներ։
• Կպատրաստի տեսանյութ, ձեռնարկներ։

Նախագծային աշխատանքի խնդիրներն են՝

• Լսել և հասկանալ օլիմպիական խաղերի մասին  կարճ տեսանյութերի հիմնական բովանդակությունը,
• Կարդալ և հասկանալ օլիպիական խաղերի մասին տեղեկատվությունը
• Սահուն և հակիրճ ներկայացնել նախօրոք պատրաստված ելույթը օլիմպիական խաղերի մասին 
• Արժևորել մշակութային և լեզվական բազմազանությունը:
• Կառուցողական վերաբերմունք ցույց տալ թիմային աշխատանքում
• Յուրաքանչյուրը կրի իր դերի պատասխանատվությունը

Լրացուցիչ

• Կոնկրետացնել հանձնարարությունը:
• Ապահովել ուսումնաօժանդակ նյութերով:
• Նախագծային աշխատանքը վերահսկել՝ չթելադրելով սեփական կարծիքը:
• Աշակերտներին ինքնուրույն աշխատելու հնարավորություն տալ:
• Օգնել, որպեսզի խմբի ավագը ճիշտ գնահատի խմբի անդամների կարողությունները:

Նախագծի իրականացման արդյունքում աշակերտների մոտ ձևավորվել են Հանրակրթական հիմնական ծրագրի շրջանավարտի ուսումնառության ակնկալվող հետևյալ վերջնարդյունքները.

• բացատրի գիտելիքի կարևորությունը, սովորելիս դրսևորի կամք և վստահություն սեփական ուժերի նկատմամբ.
• դրսևորի հետազոտելու, փորձարկելու, տարբեր գործիքակազմեր համադրելու կարողություն, ուրիշների հետ համատեղ կամ ինքնուրույն մշակի և իրականացնի նախագծեր.
• ստանա, վերլուծի, գնահատի և ներկայացնի անհրաժեշտ տվյալներ, առաջարկի վարկածներ.
• արդյունավետ կազմակերպի իր ուսումնական գործընթացը և ավարտի աշխատանքներն առանց անմիջական վերահսկողության, կիրառի ինքնակրթության որոշ մեթոդներ.
• ճանաչի իր ուժեղ ու թույլ կողմերը և դրսևորի ինքնազարգացմանը միտված վարքագիծ. 
• ընկերակցի, դրսևորի բաց և դրական վերաբերմունք այլոց հանդեպ, համագործակցի և հաղորդակցվի տարբեր ձևաչափերով, ակտիվորեն լսի և հարգանքով վերաբերվի այլ մարդկանց տեսակետներին և գաղափարներին.
• ցուցաբերի հանդուրժողականություն, ապրումակցում և մարդասիրություն.
• դրսևորի մշակութային ընկալման և արժևորման կարողություններ, արվեստի որոշ տեսակներում ստեղծագործական աշխատանքներ կատարելու ունակություններ և հմտություններ.
• ճանաչի և արժևորի այլ ազգային մշակույթ, դրա նյութական և ոչ նյութական ժառանգությունը, դրա առանձնահատկությունները և ներդրումը համաշխարհային մշակույթի մեջ.
• դրսևորի աշխատանքային հմտություններ, կարողանա հմուտ և անվտանգ օգտագործել տարբեր սարքեր, գործիքներ և նյութեր:

Սպորտը և հատկապես Օլիմպիական խաղերը մարդկության պատմության մեջ ունեն հատուկ դեր՝ համատեղելով ֆիզիկական կատարելագործումը, մշակութային փոխանակումը և միջազգային համագործակցությունը: Ահա թե ինչու են դրանք այդքան կարևոր։ Սպորտը ունի մեծ հասարակական նշանակություն։ Այն խթանում է առողջությունը, զարգացնում է ֆիզիկական կարողությունները և կանխում հիվանդությունները: Սպորտային մրցումները միավորում են մարդկանց՝ անկախ տարիքից, սեռից կամ սոցիալական կարգավիճակից և վերջապես սպորտն ունի մեծ կրթական արժեքայն սովորեցնում է կարգապահություն, համառություն և թիմային աշխատանք: Օլիմպիական խաղերը ունեն գլոբալ դեր։ Օլիմպիադաները նպաստում են երկրների միջև բարեկամությանը, նույնիսկ քաղաքական լարվածության պայմաններում (օր.՝ ԱՄՆ-ԽՍՀՄ «պինգ-պոնգի դիվանագիտությունը» 1971 թ.):

Հայաստանը, չնայած իր փոքր տարածքին և բնակչության թվաքանակին, միշտ աչքի է ընկել Օլիմպիական խաղերում իր մարզիկների ակնառու նվաճումներով։ Հայաստանի մասնակցությունը ժամանակակից օլիմպիական շարժմանը սկսվել է 1992 թվականից՝ երկրի անկախություն ձեռք բերելուց հետո, սակայն հայ մարզիկները նույնիսկ դրանից առաջ հաջողություններ էին գրանցում՝ հանդես գալով Խորհրդային Միության կազմում։

Նախագծային աշխատանքի շրջանակում աշակերտները կատարել են հետազոտություն Հայաստանի՝ օլիմպիական խաղերում մասնակցության մասին և հանգել այն եզրակացության, որ Հայաստանը, չնայած իր փոքր ռեսուրսներին, միշտ մեծ հպարտությամբ է ներկայանում Օլիմպիական խաղերում։ Հայ մարզիկները, իրենց համառությամբ և տաղանդով, ապացուցել են, որ կարող են մրցել աշխարհի լավագույնների հետ։ Օլիմպիական խաղերը Հայաստանի համար ոչ միայն սպորտային հաջողությունների հարթակ են, այլև ազգային միասնության և հպարտության խորհրդանիշ։ Նախագծային աշխատանքը նրանց մոտ առաջացրել է մոտիվացիա, որպեսզի վարեն առողջ ապրելակերպ և ձգտեն լավագույնին։

Նախագծային աշխատանքի փուլերը՝

1. Նախագծային աշխատանքի սկզբում որոշվել է աշակերտների անվանացանկը, կատարվել է աշխատանքի բաժանում, գնահատվել են նախագծում ընդգրկված աշակերտների հնարավորությունները: 
2. Թագուհի Գրիգորյանը, Աննա Աբգարյանը և Օլյա Ղուլյանը համատեղ կազմակերպել և վերահսկել են նախագծի գործունեությունը, լսել սովորողների կարծիքները, դրանց հիման վրա բաշխել աշակերտների դերերը: 

Նախագծային աշխատանքի հանդիպումների ժամանակ քննարկվել են նրանց կատարած հետազոտությունները, Անուշ Արզումանյանը հանձն է առել պատրաստել դրոշ իր կարգախոսով, իսկ Դավիթ Ֆարամազյանը պատրաստել է ջահ բացման արարողության համար։

Ամփոփիչ փուլ

• Արդյունքների խմբային գնահատում (փոխադարձ - ձևավորող)
• Արդյունքների գնահատում (ուսուցանող, միավորային)։

Աշխատանքի ընթացքում յուրաքանչյուր սովորող իրականացրել է նախագծային աշխատանքի պլանով սահմանված իր բաժինը: Աշխատանքային գործընթացում հատկապես հստակ երևացել են աշակերտների ստեղծագործական հնարավորությունները, երևակայությունը ու աշխատանքային կարողությունները:

Նախագծային աշխատանքն ավարտվել է գրավոր թեստային աշխանաքով: Արդյունքներն ամփոփվել են, կատարվել է միավորային գնահատում:

«Օլիմպիական խաղեր» նախագծային աշխատանքում ընդգրկված աշակերտներից Միլենա Հովհաննիսյանն աչքի է ընկել բարձր պատասխանատվությամբ, աշխատանքային հմտություններով, գեղագիտական բարձր ճաշակով: «Օլիմպիական խաղեր» նախագծի շրջանակում նա ուսումնասիրել է տարբեր մարզաձևեր, հայտնի օլիմպիական չեմպիոնների կենսագրությունները և փորձել է բացահայտել, թե ինչպես է սպորտը միավորում ազգերին։ Բացի այդ, հավաքել է օլիմպիական խաղերի նշանաբաներ ու մտքեր, որոնք օգնել են նրանց ավելի լավ հասկանալու խաղերի գաղափարախոսությունը։

Անուշ Արզումանյանն այս նախագծային աշխատանքում ընդգրկված ամենավառ ու պատասխանատու աշակերտներից է: Նա հավաքագրել է բազմաբնույթ տեղեկույթուններ՝ օգտվելով հանացանցից։ Աշխատել է համակարգչով, ստեղծել է դրոշի համար նախատեսված լոգոն, որը ներառում է ՀՀ դրոշը, խաղաղության աղավնին, բացված գիրք և օլիմպիական 5 օղակները։ Ստեղծել է նաև նախագծի նշանաբանը՝ «Հաղթանակի ուղին սկսվում է կամքից»։ Անգլերեն լեզվով ներկայացրել է Օլիմպիական դրոշի մասին։

Արինե Մաթևոսյանը գրել է Օլիմպիական խաղերի բացման խոսքը, թարգմանել անգլերեն և սովորել։ Գտել է հետաքրքիր փաստեր Օլիմպիական խաղերի մասին, առանձնացրել կարևորը և սովորել։ Եղել է նաև թիմային աշխատանքում և որպես լրագրող հարցազրույց եմ վերցրել Դավիթ Ֆարամազյանից, որը հանդես է եկել Ալբերտ Ազարյանի կերպարում։ Նրա մոտ ձևավորվել է վստահություն սեփական ուժերի հանդեպ, հետաքրքասիրություն սպորտի նկատմամբ:

Նախագծային աշխատանքի մեջ ընդգրկված են եղել նաև՝ Մարի Կոստանդյանն ու Նարե Պետրոսյանը,  որոնք դրսևորել են իրենց որպես աշխատանքային գործընթացի ակտիվ մասնակիցներ, ամբողջությամբ իրենց ձեռքն են վերցրել շատ աշխատանքներ, համագործակցել խմբի անդամների հետ։ Նրանց մոտ ձևավորվել է աշխատանքային կարգապահություն, թիմում աշխատելու և համագործակցելու կարողություններ, բացահայտվել են նրանց թվային և համակարգչային գիտելիքները: Մարի Կոստանդյանը «Օլիմպիական խաղեր» նախագծի շրջանակում համացանցից հավաքել է նյութեր մարմնամարզիկ Ալբերտ Ազարյանի մասին, մշակել է, ընտրել ամենակարևորն ու ներկայացրել նախագծում։ Հարցազրույց է վերցրել Դավիթ Ֆարամազյանից, որը հանդես է եկել Ալբերտ Ազարյանի դերում, որի վերաբերյալ պատրաստել է տեսանյութ։ Տեսանյութը ներկայացրել են  անգլերեն լեզվով, որը թարգմանել են նաև հայերեն։

Նարե Պետրոսյանն ուսումնասիրել է մեր հայ մարզիկների կենսագրությունը, որոնք մասնակցել են օլիմպիական խաղերին։ Նաև ուսումնասիրել է շատ օլիմպիական մարզաձևեր, և իմացել, թե ինչպես են խաղում հայ մարզիկները և թե ինչ հաղթանակներ են բերել մեր երկիր։ Ներկայացրել է մարմնամարզության մասին տեղեկություն, և նաև Արտուր Դավթյանի մասին տեղեկություն։ Բացի այդ, փորձել է գտնել մտքեր, խոսքեր՝ թեմային համապատասխան, որպեսզի ավելի լավ հասկանան և իրենց հասկացածը ավելի լավ փոխանցեն հանդիսատեսին։

Միլենա Մակարյանը ցուցաբերել է փաստերը հավաքագրելու, համադրելու ունակություններ: Նրա մոտ ձևավորվել է սեփական կարողությունների նկատմամբ ինքնավստահություն, նա դարձել է ավելի շփվող, հետաքրքիր, բաց` նորն ընդունելու և քննարկելու: Տեսանյութում Միլենան ներկայացրել է  բռնցքամարտը և օլիմպիական չեմպիոն Վլադիմիր Ենգիբարյանին։

Յուլյա Մանուչարյանը նախագծային աշխատանքի ամենապատասխանատու մասնակիցներից է, ով ջանք չի խնայել հանձնարարված աշխատանքները բարձր մակարդակով կատարելու, ինչպես նաև դրսևորել է թիմային աշխատանքի հմտություններ: Կարողացել է իր գիտելիքների ողջ պաշարն օգտագործել նախագծային աշխատանքի հաջող իրականացման համար: Նա ներկայացրել է ըմբշամարտի մասին ընդհանուր տեղեկություններ, հայ նշանավոր ըմբիշների հաղթանակների և ձեռքբերումների մասին։ Այդ նպատակով այցելել են ըմբշամարտի մարզադպրոց, որտեղ կան ծանրամարտի, ըմբշամարտի և բռնցքամարտի խմբակներ։ Ըստ Յույայի երեխաների հետ ծանոթությունը և նրանց մարզումներին մասնակցելը ավելի պատկերավոր դարձրին իր գիտելիքները։

Դավիթ Ֆարամազյանը նախաձեռնել է բազմաթիվ կազմակերպչական աշխատանքներ, պատրաստել է օլիմպիական ջահ։ Անգլերենով հավաքել է տեղեկություններ օլիմպիական խաղերի խորհրդանիշների մասին։ Նա ձեռք է բերել թիմում աշխատելու կարողություններ, աշխատանքային կոնկրետ հմտություններ, ցուցաբերել անձնային բարձր որակներ, ուրիշներին օգնելու պատրաստակամություն:

Ալեն Դադունցը թղթի վրա պատկերել է հինգ օղակները։ 

Էլեն Հայրապետյանը նախագծի ընթացքում ուսումնասիրել է տարբեր կայքեր, կարդացել հոդվածներ և այս ամենի շուրջ հավաքել փաստեր։

Նախագծին մասնակցող աշակերտները տարբեր հնարավորություններ ունեն: Մի քանիսն ուսման առաջամարտիկ են, մյուսների ուսումնական դրդապատճառային պահանջմունքներն ավելի ցածր են, բայց ցուցաբերել են իրենց որպես լավագույն աշխատանքային ընկեր, պրպտուն հետազոտող, խորհրդատու:

Նախագծային աշխատանքի իրականացման արդյունքում ստեղծվել է Օլիմպիական խաղերի բացման արարողությունը և աշակերտների մասնակցությամբ որոշ մարզաձևեր ներկայացնող տեսանյութ, Օլիմպիական դրոշ կարգախոսով և Օլիմպիական Ջահ։