Փետրվարի 19-ին Գորիսի Յու. Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Քրիստոնեության մուտքը, տարածումը և հռչակումը որպես պետական կրոն» թեմայով նախագծային աշխատանքը ղեկավարում էր «Պատմություն» առարկայի ուսուցչուհի Մերի Դանիելյանը:

Նախագծային աշխատանքն իրականացրին 7-րդ «Բ» դասարանի աշակերտներ Համլետ Խաչյանը, Տիգրան Թումասյանը, Գոռ Օսիպովը, Նանե Բաբայանը։

Նախագծային աշխատանքը սովորողների որոշակի գործողությունների, հաջորդականությունների, հնարների համադրություն է, որոնք իրականացվում են տրված առաջադրանքը կատարելու նպատակով՝ յուրաքանչյուր սովորողի համար էական և որոշակի վերջնարդյունքի տեսքով:

Նախագծային աշխատանքի նպատակն է սովորողներին տալ հնարավորություն ինքնուրույն ձեռք բերել գիտելիքներ՝տարբեր առարկաներից գիտելիքների ինտեգրման միջոցով: Նախագծային մեթոդը հետազոտական, պրոբլեմային, ստեղծագործական մեթոդների համադրություն է: Այստեղ ուսուցիչը ստանձնում է մշակողի, համակարգողի, փորձագետի, խորհրդատուի դեր: Այս աշխատանքի հիմքում ընկած է սովորողի ճանաչողական հմտությունների, սեփական գիտելիքներն ինքնուրույն ձևակերպելու, տեղեկատվական տարածքում կողմնորոշվելու, քննադատական և ստեղծագործական մտածողության ձևավորումն ու զարգացումը:

Նախագծային գործունեություն կազմակերպելիս անհրաժեշտ է հաշվի առնել սովորողների տարիքային առանձնահատկությունները, պատրաստվածությունը, ՏՀՏ հմտությունները և այն իրականացնելիս պետք է հիշել, որ նախագիծը ուսումնական է. սովորողը նախագծի միջոցով սովորում է:

Նախագծային աշխատանքի նպատակն էր՝
Ակադեմիական 

• Զարգացնել և նպաստել քրիստոնեության տարածման մասին գիտելիքների ձեռքբերմանը, տվյալ ժամանակաշրջանի կարևոր իրադարձությունները, փաստերը, նշանավոր գործիչների գործունեությունը բացատրելու, բնութագրելու, համեմատելու, եզրահանգումներ անելու, տեսակետ հայտնելու, գնահատելու,արժևորելու կարողությունների ձևավորմանը:

Արժեհամակարգ

• Ներկայացնել Հայոց եկեղեցու առաքելությունն ու նշանակությունը: Սովորողների մոտ ձևավորել քրիստոնեական արժեհամակարգ:

Հմտություն

• Ծանոթացնել քրիստոնեության պետական կրոն հռչակման ճանապարհին առաջացած  բարդ ու դժվարին խնդիրների և արդյունքների հետ:

Կարողություն 

• Սովորողների մասնակցությամբ ներկայացնել տեսասահիկ և ձևավորել պաստառ: 
• Ձևավորել հետաքրքրություն քրիստոնեական կրոնի առաջացման, տարածման և պահպանման շուրջ:

Նախագծային աշխատանք խնդիրներից էր՝

• Ամրապնդել ստացած գիտելիքները
• Խրախուսել դրանց կիրառումը
• Արդիականացնել,արժևորել աշակերտների գիտական կանխատեսումները
• Ստեղծել արդյունավետ համագործակցելու պայմաններ
• Զարգացել ստեղծագործական, քննադատական, վերլուծական, ինքնաճանաչողական մտածողություն 

Նախապես ներկայացվել են նախագծային աշխատանքների թեմաները, կազմվել է ուսումնական նախագծի պլան, թեմատիկ պլան և կատարվել է աշխատանքի բաժանում: Կոնկրետացվել են հանձնարարությունները, աջակցել եմ նախագծային աշխատանքի տեսական մասի կատարմանը, գնահատել սովորողների կարողություններն ու հմտությունները: Նախագծային աշխատանքի թեման ընտրվել էր «Քրիստոնեության մուտքը, տարածումը և հռչակումը որպես պետական կրոն», որն իրականացվել է 7-րդ «Բ» դասարանի աշակերտների կողմից:

Նախագծային աշխատանքի համար նախապես կազմվել է աշխատանքային թեմատիկ պլան, որում հստակ սահմանել են այն աշխատանքները, որոնք պետք է իրականացվեն հանդիպումների ընթացքում:

Նախագիծն աշակերտներին հնարավորություն է տվել հստակ պատկերացում կազմել համաշխարհային նշանակություն ունեցող կրոններից քրիստոնեության առաջացման, տարածման, Հայաստանում քրիստոնեության հաստատման գործընթացի մասին, առաջին քրիստոնեական համայնքների հիմնադրման, Հայոց եկեղեցու պատմության սկզբնավորման մասին: Կատարած հետազոտական աշխատանքների արդյունքում կարողացել են բացահայտել Հայոց Աբգար և Սանատրուկ արքաների գործունեությունը՝ դրական և բացասական կողմերով: Նրանք ձեռք բերեցին որոշակի գիտելիքներ Հայոց աշխարհում քրիստոնեական հավատքի հիմնադիրներ՝ Թադեոս և Բարդուղիմեոս առաքյալների գործունեության նշանակության և հետևանքների մասին: Սովորողների կողմից ուսումնասիրվեցին Գրիգոր Լուսավորչի և Հայոց արքա Տրդատ 3-րդ Մեծի կյանքն ու գործունեությունը, պատկերացում կազմեցին նրանց ապրած ժամանակաշրջանում առաջացած խնդիրների, դրանց հետևանքների, նշանակությունների և պատճառահետևանքային կապերի մասին: Աշակերտները կարողացան գնահատել և ներկայացնել քրիստոնեության պետական կրոն հռչակման պատմական, քաղաքական, սոցիալական դերն ու նշանակությունը, արժևորեցին Հայոց եկեղեցու առաքելությունն ու նշանակությունը: Աշակերտները կարողացան վերլուծել նվիրապետական աթոռների հաստատման գործընթացի կարևորությունը, մեկնաբանեցին հայ առաքելական եկեղեցու թեմերի գործունեության անհրաժեշտությունը: Նրանց կողմից կատարվեցին կանխատեսումներ, բացահայտվեցին քրիտոնեության ընդունումից (301թ.) մինչև մեր օրերն ընկած ժամանակահատվածում տեղի ունեցած դեպքերի, իրադարձությունների ամբողջական պատկերը:

Մերի Դանիելյանը կազմակերպել և վերահսկել է նախագծի գործունեությունը, լսել սովորողների կարծիքները, դրա հիման վրա բաշխել աշակերտների դերերը: Սովորողները նախապես պլանավորոել են աշխատանքը, կատարվել է հետազոտական աշխատանք, որի ընթացում եղել են նաև դժվարություններ: Դրանք հաղթահարվել են սովորողների կողմից: Համլետ Խաչյանը, Տիգրան Թումասյանը, Գոռ Օսիպովը և Նանե Բաբայանը իրականարցել են նկարահանում՝ Գորիսի Սուրբ Գրիգոր Լուսավորիչ եկեղեցու և Վերիշենի հին եկեղեցու տարածքում, նրանք ներկայացրել են  հետաքրքիր հատվածներ քրիստոնեության հաստատման, տարածման և պետական կրոն հաստատվելու մասին: Նրանք նաև փորձել են հանդիպել և հարցազրույց նկարահանել Գորիսի թեմի քահանայի հետ, սակայն չի հաջողվել: Վերջինս, սակայն, պատասխանել է աշակերտների կողմից ներկայացված և նրանց հետաքրքրող հարցերին՝ գրավոր տարբերակով, որը բանավոր ներկայացվել է սովորողների կողմից նախագծային աշխատանքի պաշտպանության ժամանակ:

Նախագծային աշխատանքի խմբում ընդգրկված աշակերտների հետ հանդիպումներն իրականացվել են նախատեսված ժամաքանակից մի քանի անգամ ավել (շաբաթական 3-4 անգամ): Հանդիպումների ժամանակ ուսումնասիրվել և քննարկվել են աշակերտների կողմից ներկայացված փաստարկները, տեղեկությունները, թերություններն ու առավելությունները, տրվել խորհուրդներ՝ աշակերտներին նախապատրաստելով պաշտպանությանը:

Մերի Դանիելյանի կողմից սահմանված առաջադրանքներն աշակերտները կատարել են օգտվելով համացանցից, գրական սկզբնաղբյուրներից: Հավաքագրված ինֆորմացիան մշակվել է, խմբագրվել և դրանց հիման վրա պատրաստվել են տեսասահիկ և պաստառ:

Աշխատանքի ընթացքում յուրաքանչյուր սովորող իրականացրել է նախագծային աշխատանքի պլանով սահմանված աշխատանքը: Աշակերտները պարբերաբար ցույց են տվել իրենց ստեղծագործական հնարավորություններն ու կարողությունները: Նրանք աշխատել են անհատական,  ինքնուրույն, ակտիվ, յուրաքանչյուրն իր դերով, քննարկել  են իրար հետ, որոնել,  ուսումնասիրել, տարբերակել  և նախապատրաստել նյութեր ներկայացման համար։

Իրականացվող աշխատանքների ընթացքում աշակերտների մոտ էլ ավելի է մեծացել հետաքրքրությունը հատկապես մեր տարածաշրջանում եղած քրիստոնեական կառույցների պատմության, դրանց դերի և նշանակության նկատմամբ: Ձեռք բերված գիտելիքների արդյունքում նրանց մոտ ձևավորվել է քրիստոնեական արժեհամակարգ: Միևնույն ժամանակ նախագծային աշխատանքն իրականացնելու ժամանակ սովորողներն էլ ավելի են մտերմացել, փորձել օգտակար լինել միմյանց, համախմբված լինելով մեկ ընդհանուր նպատակի շուրջ, կարողացել են ուսումնասիրել-բացահայտել, իրարից սովորել, գնահատել ընկերության արժեքը, հասկանալ դրա առավելությունները: Մի խոսքով՝  նախագծի վրա աշխատելիս առավել ցայտուն դարձան սովորողների ունակությունները:

ԱՄՓՈՓՈՒՄ

Մեր օրերում  աշխարհը  մոռացել  է Քրիստոնեության և հոգևորի մասին: Այսուհետ շատ կարևոր է սովորեցնել  ապագա  սերնդին քրիստոնեության մուտքի և տարածման նախադրյալները, զարգացման առանձնահատկություններն ու հայ առաքելական եկեղեցու հիմնադրման մասին տեղեկույթը:

Այսպիսով աշակերտների կողմից ուսումնասիրված և հետազոտական աշխատանքի միջոցով ներկայացված  թեման գիտելիքների զգալի պաշար ավելացրեց նաև սովորողների  մոտ, քանի որ աշակերտները կկարողանան ճիշտ պատկերացում կազմել քրիստոնեական կրոնի, արժեհամակարգի մասին:

Կրթական համակարգում շարունակաբար կատարվող բարեփոխումները պահանջում են նոր մեթոդոլոգիական մոտեցում, կազմակերպչական և բովանդակային նշանակության խնդիրների լուծման ժամանակ, որը կարծում  եմ  կնպաստի կրթության որակի բարձրացմանը:

Ինչպես տեսանք նախագծային մեթոդը թույլ տվեց դրդել աշակերտներին կատարել տրամաբանական  շաղկապված գործողություններ՝  համեմատում, համադրում, վերլուծում:

Կարողացանք խթանել սովորողների ճանաչողական ակտիվությունը, հետաքրքրությունը  ազգային պատմության, ինչպես նաև իրենց ընտանիքների և համայնքների պատմության նկատմամբ, կարողացանք զարգացնել  ազգային և պետական գիտակցությունը և օգնել գնահատել  այն գործոնները, որոնք նպաստում են ազգային միասնությանը և դաստիարակել մարդկանց, հայրենիքի հանդեպ սեր, հարգանք ու խթանել նախնիների, անցյալի հանդեպ հարգանքը, պատմական և մշակութային ժառանգության պահպանության ձգտումը:

Ուստի պետք է հասնել նրան, որ հայոց պատմություն ուսումնասիրելու միջոցով ևս սովորողները ձեռք բերեն մասնավորապես՝ քննադատական մտածողության հմտություններ՝ համեմատելով, հակադրելով, համադրելով, գնահատելով և կիրառելով պատմական տեղեկատվությունը կամ գիտելիքները, գրավոր և բանավոր ստեղծագործական մտածողության հմտությունները: Հայ ժողովուրդը իր հինգհազարամյա պետականության ընթացքում առանձնահատուկ ուշադրություն է դարձրել գրին, գրականությանը, հավատքին, մշակույթին՝ դրանով իսկ ձևավորելով ազգային արժեհամակարգ՝ խարսխված նախաքրիստոնեական և քրիստոնեական ավանդույթների, համաշխարհային գիտական և մշակութային արժեքների վրա։

Համագործակցային ուսուցման ընթացքում կարևորվում է ոչ միայն ակադեմիական գիտելիքների և հմտությունների ձեքբերումը, այլև խմբային գործընթացի մշակման միջոցով հմուտ համագործակցողների (համագործակցային հմտություններ կիրառողներ) և գիտելիքների ակտիվ կիրառողներ (մտածողության հմտություններ կիրառողներ) ձևավորելը: Համագործակցային ուսուցումը մեծացնում է նաև սովորողների ինքնուրույնությունը և պատասխանատվությունը (ինքնաճանաչման և ինքնուղղորդման հմտություների կիրառումը): Անհրաժեշտ է հայ ժողովրդի պատմամշակութային ժառանգությունն ընկալել որպես համաշխարհային քաղաքակրթության բաղադրիչ, զարգացնել քննադատական հմտություններ պատմական նյութի օգնությամբ: Զարգացնել թվային գրագիտություն՝ արդյունավետ կերպով օգտագործելով նոր տեխնոլոգիաների գործիքներն ու ռեսուրսները հետազոտության և նախագծային աշխատանքների համար զարգացնել արդյունավետ հաղորդակցման հմտություններ՝ փոխգործակցության տարբեր մակարդակներում՝ տեղեկատվության փոխանակման համար։ Հայոց պատմություն առարկայի շրջանակներում անցյալի ուսումնասիրման կիզակետում պահված են այն գործոնները, որոնք ձևավորել են մեր աշխարհը:

Նախագծային աշխատանքի ներկայացման համար աշակերտների կողմից պատրաստվել է տեսասահիկ, պաստառ, տեսանյութ, գրքույկ, որը ցուցադրվել է հանձնաժողովի անդամներին: Հանձնաժողովի անդամների կողմից հնչել են կարծիքներ, ներկայացվել առկա թերությունները, կատարվել է գնահատում: Նախագծային աշխատանքի պլանում սահմանված էր, որ ակնկալվող արդյունքը՝ պրոդուկտը, պետք է լինի տեսասահիկ և պաստառ:

Նախագծային աշխատանքի պաշտպանության ժամանակ աշակերտների կողմից պատրաստված տեսասահիկը կարող եք տեսնել այստեղ (սահիկում առկա տեսանյութերը տեսանելի չեն):

Նախագծային աշխատանքի պրոդուկտը կարող եք տեսնել այստեղ:

Նախագծային աշխատանքի պրոդուկտ տեսանյութը կարող եք տեսնել ստորև: