Փետրվարի 16-ին Գորիսի Յու. Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Թղթի թափոնի վերամշակում» թեմայով նախագծային աշխատանքը ղեկավարում էին «Ֆրանսերեն» առարկայի ուսուցչուհի Անի Հայրապետյանն ու «Քիմիա» առարկայի ուսուցչուհի Մերի Մկրտչյանը:

Նախագծային աշխատանքն իրականացրին 7-րդ «Գ» դասարանի աշակերտներ Ռիմա Միխայելյանը, Լիլի Մալինցյանը, Անի Մինասյանը, Մարի Կարապետյանը, Նարե Ալումյանն ու Արկադյա Ճաղարյանը:

Նախագծային աշխատանքի նպատակն էր՝
Ակադեմիական 

• Հավաքագրել և ուսումնասիրել  թղթի վերամշակման գործընթացների առանձնահատկությունների մասին տեղեկություններ:
• Ցույց տալ դպրոցական առարկաների կապը միմյանց և գրական ստեղծագործությունների հետ:

Արժեհամակարգ

• Ծանոթանալ բնության պահպանության այլընտրանքներին:

Հմտություն

• Արդիականացնել, արժևորել աշակերտների գիտական կանխատեսումները:
• Ստեղծել համագործակցային և հանդուրժող միջավայր:

Նախագծային աշխատանք խնդիրներից էր՝
Կարողանա

• Կիրառելի դարձնել քիմիական փորձերը առօրյայում: 
• Խնայողաբար վերաբերել բնական ռեսուրսներին:
• Ձևավորել բնության պահպանության մշակույթ:

Նախագծային աշխատանք սկսելու ժամանակ ներկայացվել է նախագծային աշխատանքների թեմաները, կազմվել է ուսումնական նախագծի պլան, թեմատիկ պլան և կատարվել է աշխատանքի բաժանում: Նախագծային աշխատանքի թեման ընտրվել էր «Թղթի թափոնի վերամշակում», որն իրականացվել է 7-րդ «Գ» դասարանի աշակերտների կողմից:

Նախագծային աշխատանքի համար նախապես կազմվել է աշխատանքային թեմատիկ պլան, որում հստակ սահմանել են այն աշխատանքները, որոնք պետք է իրականացվեն հանդիպումների ընթացքում:

Նախագծային աշխատանքի մեկնարկը տրվել է հունվարի 8-ին և ավարտվել փետրվարի 9-ին: Պաշտպանությունը տեղի է ունեցել փետրվարի 16-ին: 

Նախագծային աշխատանքի փուլերը՝
Նախագծային աշխատանքի սկբում աշակերտներն ընտրել են առաջարկվող թեման, հստակեցվել է աշակերտների անվանացանկը, կատարվել է աշխատանքի բաժանում, որի համաձայն.

• Ռիմա Միխայելյանը հավաքագրել է տեղեկություններ թղթի թափոնի վերաբերյալ
• Անի Մինասյանը դպրոցում կազմակերպել է թղթի թափոնի հավաքում
• Լիլի Մալինցյանը կազմակերպել է թղթի տոպրակների դիզայնի աշխատանքը
• Մարի Կարապետյանը և Նարե Ալումյանը համակարգել թղթի թափոնի վերամշակման և դրա մասին ինֆորմացիայի մշակման գործընթացը
• Արկադյա Ճաղարյանը կազմակերպել է աշխատանքների լուսանկարումը, սահիկաշարի պատրաստումը։

Անի Հայրապետյանի կողմից սահմանված առաջադրանքներն աշակերտները կատարել են օգտվելով համացանցից, մասնագիտացված կայքերից:

Աշխատանքի ընթացքում յուրաքանչյուր սովորող իրականացրել է նախագծային աշխատանքի պլանով սահմանված աշխատանքը: Աշակերտները պարբերաբար ցույց են տվել իրենց ստեղծագործական հնարավորություններն ու կարողությունները: Նրանք աշխատել են անհատական,  ինքնուրույն, ակտիվ, յուրաքանչյուրն իր դերով, քննարկել են իրար հետ, որոնել, ուսումնասիրել, տարբերակել  և նախապատրաստել են նյութեր տեսասահիկի համար։

Նախագծային աշխատանքն իրականացնելու ժամանակ սովորողներն էլ ավելի են մտերմացել, փորձել օգտակար լինել միմյանց, համախմբվել մեկ ընդհանուր նպատակի շուրջ, կարողացել են ուսումնասիրել-բացահայտել, իրարից սովորել, գնահատել ընկերության արժեքը, հասկանալ դրա առավելությունները: Մի խոսքով՝ նախագծի վրա աշխատելիս առավել ցայտուն են դարձել սովորողների ունակությունները:

Սովորողները նախագծային աշխատանքը իրականացնելու համար սպառողների շրջանում վերցրել են հարցազրույցներ, վեր հանել այն խնդիրները, որոնք առաջանում են չվերամշակված թղթի հետ կապված։ Արդյունքը քննարկել են նաև Գորիսի ֆրանսախոսության մշակույթի կենտրոնի ներկայացուցիչների և կամավորների հետ։

Ռիմա Միխայելյանի կողմից հավաքագրվել են տեղեկություններ թղթի թափոնի վերաբերյալ:

Մարի Բակունցը և Անի Մինասյանը դպրոցում կազմակերպել են թղթի թափոնի հավաքում: Թղթի թափոնի հավաքումը կատարվել է փուլերով` ըստ թղթի տեսակի: Հավաքելով թղթի թափոնը  աշակերտները խնամքով վերադասավորել են այն և հանձնել թղթի թափոնի վերամշակման արտադրամաս:

Թղթի թափոնի վերամշակման արտադրամասում նախագծային աշխատանքում ընդգրկված բոլոր աշակերտների կողմից իրականացվել է թղթի ստացման պրոցեսի ուսումնասիրություն։ Աշակերտները ծանոթացել են թղթի թափոնից երկրորդական մշակման թղթի ստացման պրոցեսը։

Թղթի թափոնի հավաքման պրոցեսը, վերամշակման արտադրամասում թղթի ստացման գործընթացը լուսանկարել է Արկադյա Ճաղարյանը:

Օգտվելով թղթի վերամշակման արտադրամասում թափոնից ստացված թուղթն աշակերտներն ըստ նախապես ստացված գծագրերի պատրաստել են տոպրակներ։ Տոպրակների գծագրերը պատրաստվել են Լիլի Մալինցյանի կողմից:

Ելնելով նրանից, որ տարածաշրջանում թղթի մշակման և վերամշակման արտադրամասեր չկան, ինչի պատճառով աշակերտները ստիպված են եղել բավարարվել մեկ այցով, իսկ որպես տեղեկությունների հավաքման հիմնական աղբյուրը հանդիսացել է համացանցը, իր տեղեկատվական տարբեր ուղղություններով։ Այստեղ կարևորվել է նաև աշակերտների մեդիագրագիտությունը, ինչը թույլ է տվել համացանցում առկա մեծաքանակ տեղեկությունից զտել ու վերցնել ճիշտն ու կարևորը: Հետազոտական աշխատանքի կատարման այս գործընթացը ծանրաբեռնված էր, կարճատև, բայց և հաճելի։

Հիմնախնդրի կարևորությունը համայնքի և հանրության համար հիմնավորելու նպատակով ձևավորվել է աշխատանքային երեք խումբ: Յուրաքանչյուր խմբի տրվել է հստակ առաջադրանք․

1-ին խումբ 

• Միխայելյան Ռիմա
• Կարապետյան Մարի

Խմբին հանձնարարվել է ուսումնասիրել մեդիաաղբյուրներ (լրատվամիջոցներ, համացանց, դասագիրք, ուսումնական նյութեր, ուսումնաօժանդակ գրականություն և այլն), տեսանյութեր, նկարներ, գրաֆիկներ, դիագրամներ, ատլասներ, պատմություններ, վիճակագրական տվյալներ, սոց-հարցումներ և դուրս բերել հիմնախնդրին առնչվող տեղեկություններ։ 

2-րդ խումբ 

• Մինասյան Անի
• Ալումյան Նարե
• Ճաղարյան Արկադյա

Խմբին հանձնարարվել է օգտվելով մեդիաաղբյուրներից՝ միայն հավաստի և պաշտոնապես երաշխավորված կայք էջերից ուսումնասիրել հիմնախնդրին առնչվող տեղեկությունները:

3-րդ խումբ

• Մալինցյան Լիլի
• Կարապետյան Մարի

Խմբին հանձնարարվել է հիմնախնդրի վերաբերյալ քաղաքացիների իրազեկվածության մակարդակն ու վերաբերմունքը պարզել, օգտակար տեղեկություններ հավաքել, ինչի նպատակով աշխատանքային խումբն իրականացրել է հարցազրույցներ, հարցումներ:

Նախագծային աշխատանքի իրականացման ընթացքում Մերի Մկրտչյանի ցուցումներով աշակերտներն իրականացրել են հարցումներ, որի իրականացման համար նախապես ձեռք է բերվել պայմանավորվածություն, ընթացքում պահպանվել են վարման էթիկական կողմերն ու կանոնները։ Հարցումների արդյունքով կարևոր վիճակագրական տվյալներ են դուրս բերվել թղթի տեսակավորման վերաբերյալ:

Նախագծային աշխատանքն իրականացնող աշակերտների հետ անհատական հանդիպումների (շաբաթը 2 անգամ» ընթացքում իրականացվել են քննարկումներ արդեն հավաքագրած տվյալների շուրջ։

Նախագծային աշխատանքի իրականացման ընթացքում պարբերաբար իրականացվող քննարկումները, պարզաբանումները, ուղղորդումներն ու մյուս աշխատանքներն աշակերտների մոտ ձևավորել են՝

• սեփական կարծիքը ազատ արտահայտելու, հիմնավորելու կարողություն և հմտություն
• ընկերների հետ շփվելու, աշխատելու կարողություն
• նոր գիտելիներ, կարողություններ ձեռք բերելու ցանկություն:

Նախագծային աշխատանքը կատարելու ժամանակ Ռիմա Միխայելյանի մոտ ձևավորվել են աշխատանքային հմտություններ, հանդուրժողականություն, ապրումակցում և մարդասիրություն:

Մարի Կարապետյանի մոտ ձևավորվել է վերլուծելու, գնահատելու, դասակարգելու կարողություն:

Անի Մինասյանի մոտ ձևավորվել է բնագիտական առարկաներից ստացված հիմնարար գիտելիքների կիրառումը թղթի թափոնի հավաքման, դասակարգման մեջ:

Նարե Ալումյանի մոտ ձևավորվել է ճանաչելու իր ուժեղ ու թույլ կողմերը, ընկերների հետ շփվելու կարողություն:

Լիլի Մալինցյանի մոտ ձևավորվել է աշխատանքային հմտություններ, կիրառել իր մտավոր և ֆիզիկական  հնարավորությունները:

Արկադյա Ճաղարյանի մոտ ձևավորվել են խմբային աշխատանք իրականացնելու, թիմակիցների հետ հարցեր քննարկելու և դրանց լուծումները գտնելու կարողություններ:

Ռիմա Միխայելյանը կարողանում է գտնել տեղեկություններ տարբեր աղբյուրներից և կիրառել ստացած գիտելիքները, դրսևորել հետազոտելու, փորձարկելու, տարբեր գործիքակազմեր համադրելու կարողություն, ուրիշների հետ համատեղ կամ ինքնուրույն մշակելու և իրականացնելու նախագծեր:

Նախագծային աշխատանքի ներկայացման համար աշակերտների կողմից պատրաստվել է սահիկաշար, և տոպրակներ, որոնք ցուցադրվել են հանձնաժողովի անդամներին: