Դեկտեմբերի 20-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Մեծ Բրիտանիայի առասպելներն ու հեքիաթները» թեմայով նախագծային աշխատանքը ղեկավարում էին «Անգլերեն» առարկայի ուսուցչուհի Թագուհի Գրիգորյանն ու «ԹԳՀԳ» առարկայի ուսուցչուհի Օլյա Ղուլյանը։

Նախագծային աշխատանքն իրականացրին 8-րդ «Ա» և 8-րդ «Գ» դասարանների աշակերտներ Մարի Մարտիրոսյանը, Մանե Ավագյանը, Մանուշակ Ղասումյանը, Ավետ Թունյանը, Դավիթ Հովսեփյանը, Եվա Ղևոնդյանը, Եվա Հովսեփյան, Անի Մուսայելյանը, Էլեն Շահնազարյանն ու Լիա Համբարձումյանը։

Նախագծային աշխատանքի հիմնահարցը (հիմնախնդիրը)` 

• ավելի խորությամբ ուսումնասիրել Մեծ Բրիտանիայի լեզուն ու մշակույթը

Նախագծային աշխատանքի նպատակը՝

• ընդլայնել ուսումնասիրվող լեզվի երկիրը (աշխարհագրական դիրք, սահմաններ, քաղաքներ, բնակչություն, տեսարժան վայրեր) ներկայացնող թեմատիկ բառապաշարը և պարզ նախադասությունները։
• ներմուծել և ամրապնդել թեմային համապատասխան քերականական նյութը:
• զարգացնել ուսումնասիրվող լեզվի երկիրը բանավոր և գրավոր խոսքում ներկայացնելու հմտություններ։
• ձևավորել հարգալից վերաբերմունք այլ մշակույթների հանդեպ:

Նախագծային աշխատանքի վերջնարդյունքներն են՝

• կցուցաբերի արդյունավետ ինքնուրույնություն, ստեղծագործական երևակայություն և մտածողություն։
• կընդլայնի ուսումնասիրվող լեզվի երկիրը (աշխարհագրական դիրք,սահմաններ, քաղաքներ, բնակչություն, տեսարժան վայրեր) ներկայացնող թեմատիկ   բառապաշարը և պարզ նախադասությունները
• ներմուծի և կամրապնդի թեմային համապատասխան քերականական նյութը:
• կզարգացնի ուսումնասիրվող լեզվի երկիրը բանավոր և գրավոր խոսքում ներկայացնելու հմտություններ,
• կձևավորի հարգալից վերաբերմունք այլ մշակույթների հանդեպ:

Նախագծային աշխատանքի խնդիրներն են՝

• լսել և հասկանալ ուսումնասիրվող լեզվի երկրի մասին  կարճ տեսանյութերի հիմնական բովանդակությունը (պատմա-աշխարհագրական տեղեկություններ, տեսարժան վայրեր),
• կարդալ և հասկանալ ուսումնասիրվող լեզվի երկրի առասպելներն ու հեքիաթները և կատարել ճիշտ թարգմանություն 
• սահուն և հակիրճ ներկայացնել նախօրոք պատրաստված ելույթը ուսումնասիրվող լեզվի երկրի որևէ տեսարժան վայրի մասին՝ կարևորելով նրա պատմամշակութային արժեքը
• մասնակցել ուսումնասիրվող լեզվի երկրի մասին երկխոսություններին տալով հարցեր և պատասխանելով իրեն տրված հարցերին
• արժևորել մշակութային և լեզվական բազմազանությունը:

Լրացուցիչ

• Կոնկրետացնել հանձնարարությունը:
• Ապահովել ուսումնաօժանդակ նյութերով:
• Նախագծային աշխատանքը վերահսկել՝ չթելադրելով սեփական կարծիքը:
• Աշակերտներին ինքնուրույն աշխատելու հնարավորություն տալ։

Նախագծի իրականացման արդյունքում աշակերտների մոտ ձևավորվել են Հանրակրթական հիմնական ծրագրի շրջանավարտի ուսումնառության ակնկալվող հետևյալ վերջնարդյունքները.

• բացատրի գիտելիքի կարևորությունը, սովորելիս դրսևորի կամք և վստահություն սեփական ուժերի նկատմամբ.
• դրսևորի հետազոտելու, փորձարկելու, տարբեր գործիքակազմեր համադրելու կարողություն, ուրիշների հետ համատեղ կամ ինքնուրույն մշակի և իրականացնի նախագծեր.
• ստանա, վերլուծի, գնահատի և ներկայացնի անհրաժեշտ տվյալներ, առաջարկի վարկածներ.
• արդյունավետ կազմակերպի իր ուսումնական գործընթացը և ավարտի աշխատանքներն առանց անմիջական վերահսկողության, կիրառի ինքնակրթության որոշ մեթոդներ.
• ճանաչի իր ուժեղ ու թույլ կողմերը և դրսևորի ինքնազարգացմանը միտված վարքագիծ. 
• ընկերակցի, դրսևորի բաց և դրական վերաբերմունք այլոց հանդեպ, համագործակցի և հաղորդակցվի տարբեր ձևաչափերով, ակտիվորեն լսի և հարգանքով վերաբերվի այլ մարդկանց տեսակետներին և գաղափարներին.
• ցուցաբերի հանդուրժողականություն, ապրումակցում և մարդասիրություն.
• դրսևորի մշակութային ընկալման և արժևորման կարողություններ, արվեստի որոշ տեսակներում ստեղծագործական աշխատանքներ կատարելու ունակություններ և հմտություններ.
• ճանաչի և արժևորի այլ ազգային մշակույթ, դրա նյութական և ոչ նյութական ժառանգությունը, դրա առանձնահատկությունները և ներդրումը համաշխարհային մշակույթի մեջ.
• դրսևորի աշխատանքային հմտություններ, կարողանա հմուտ և անվտանգ օգտագործել տարբեր սարքեր, գործիքներ և նյութեր:

Ժամանակակից մանկավարժական պրակտիկայում հատուկ ուշադրություն է դարձվում անգլերենի ուսուցման հաղորդակցական մեթոդին: Ենթադրվում է, որ այն լեզուն սովորելու ամենաարդյունավետ մեթոդն է, որը թույլ է տալիս ուսանողներին զվարճալի և աննկատ կերպով տիրապետել անգլերենի խճճվածությանը: Այսօր համարվում է, որ անգլերենի ուսումնասիրության ընթացքում սովորողները պետք է տիրապետեն ոչ միայն լեզվական բոլոր հմտություններին, այլև հստակ պատկերացում ունենան անգլիախոս երկրների բնակիչների ավանդույթների, մշակույթի, պատմության և կյանքի իրողությունների մասին: Անգլիական հեքիաթները բավականին հարմար են այդ նպատակով։ Ավելին, անգլերենի հեքիաթների օգտագործումը դասարանում բարելավում է անհատական ուսուցումը, նպաստում մոտիվացիայի զարգացմանը։ Պետք է ձգտել ապահովելու, որ աշակերտները գոհունակություն ստանան ոչ միայն հեքիաթի սյուժեից, այլև անգլերենից իրենց հասկացածի գիտակցումից, որը նկարագրված է դրանում: Հեքիաթը որպես անգլերենի ուսուցման մեթոդ օգտագործելու անվիճելի առավելությունը ստացված տեղեկատվության տպավորությունն ու հուզական վերելքն է։ Ավելին, հեքիաթների օգտագործումը դասարանում նպաստում է ուսուցման անհատականացմանը և ուսանողների խոսքային գործունեության մոտիվացիայի զարգացմանը։  Օտար լեզվի դասերին հեքիաթներ օգտագործելիս երկու տիպի մոտիվացիա է զարգանում. ինքնամոտիվացիա, երբ հեքիաթն ինքնին հետաքրքիր է, և մոտիվացիա, որը ձեռք է բերվում նրանով, որ սովորողին ցույց կտան, որ նա կարող է հասկանալ լեզուն, որը նա սովորում է։ Սա գոհունակություն է բերում և տալիս վստահություն սեփական ուժերի նկատմամբ և հետագա կատարելագործման ցանկություն: Պետք է ձգտել այնպես անել, որ աշակերտները հեքիաթից բավարարվածություն ստանան հենց լեզուն հասկանալու, այլ ոչ միայն հետաքրքիր ու զվարճալի սյուժեի միջոցով: Հեքիաթը օտար լեզվով ուսուցանելը վերածվում է սովորողների գեղագիտական, բարոյական, հոգեւոր արժեհամակարգը ձեւավորելու մի միջոցի, որի դերը չպետք է թերագնահատել: Վերոնշյալը հաշվի առնեկով՝ նախագծայինի թեմա ընտրվել է «Մեծ Բրիտանիայի հեքիաթներն ու առասպելները»։

Նախապես ներկայացվել է նախագծային աշխատանքի թեման, կազմվել է ուսումնական նախագծի պլան, թեմատիկ պլան և կատարվել է աշխատանքի բաժանում: Նախագծային աշխատանքն իրականացվել է  8-րդ «Ա» և 8-րդ «Գ» դասարանների աշակերտների կողմից:

Նախագծային աշխատանքի փուլերը՝

1. Նախագծային աշխատանքի սկզբում որոշվել է աշակերտների անվանացանկը, կատարվել է աշխատանքի բաժանում, գնահատվել են նախագծում ընդգրկված աշակերտների հնարավորությունները: 
2. Թագուհի Գրիգորյանը, Օլյա Ղուլյանը համատեղ կազմակերպել և վերահսկել են նախագծի գործունեությունը, լսել սովորողների կարծիքները, դրանց հիման վրա բաշխել աշակերտների դերերը: 
3. Նախագծային աշխատանքի խմբում ընդգրկված աշակերտների հետ հանդիպումներն իրականացվել են նախատեսված ժամաքանակից մի քանի անգամ ավել (շաբաթական 2-3 անգամ): Հանդիպումների ժամանակ քննարկվել են նրանց կատարած հետազոտությունները, ընտրվել է «Ռոբին Հուդ» հեքիաթը բեմադրության համար, ևս 3 հեքիաթ ժողովածուի մեջ ընդգրկելու համար։

Ամփոփիչ փուլ

• Արդյունքների խմբային գնահատում (փոխադարձ - ձևավորող)
• Արդյունքների գնահատում (ուսուցանող, միավորային)։

Աշխատանքի ընթացքում յուրաքանչյուր սովորող իրականացրել է նախագծային աշխատանքի պլանով սահմանված իր բաժինը: Հատկապես աշխատանքային գործընթացում հստակ երևացել են աշակերտների ստեղծագործական հնարավորությունները, երևակայությունը ու աշխատանքային կարողությունները:

Նախագծային աշխատանքն ավարտվել է գրավոր թեստային աշխատանքով: Արդյունքներն ամփոփվել են, կատարվել է միավորային գնահատում:

«Մեծ Բրիտանիայի առասպելներն ու հեքիաթները» նախագծային աշխատանքում ընդգրկված աշակերտներից Մարի Մարտիրոսյանն աչքի է ընկել բարձր պատասխանատվությամբ, աշխատանքային հմտություններով, գեղագիտական բարձր ճաշակով: Նա կատարել է հետազոտություն համացանցում «Ռոբին Հուդ» առասպելի մասին, մասնակցել է դրա թարգմանությանը և հիանալի մարմնավորել է թագավոր Ջոնի կերպարը։

Մանե Ավագյանն այս նախագծային աշխատանքում ընդգրկված ամենավառ ու պատասխանատու աշակերտներից է: Նա հավաքագրել է բազմաբնույթ տեղեկույթուններ՝ օգտվեով հանացանցից։ Նախաձեռնել և պատրաստել է սահիկ Արթուր թագավորի մասին և այն սահուն ներկայացրել անգլերենով։ Ինչպես նաև կատարել է առասպելի խմբագրում և թարգմանություն։ Նա ձեռք է բերել քննադատական մտածողություն, նկարազարդելու, համապատասխան գունային երանգներ ընտրելու, հարմարեցնելու կարողություններ:

Մանուշակ Ղասումյանը հետաքրքրվել է Լոխ Նեսի հրեշի առասպելով, հավաքագրել տեղեկույթ, հետաքրքիր փաստեր: Նրա մոտ ձևավորվել է վստահություն սեփական ուժերի հանդեպ, հետաքրքասիրություն բնության հուշարձանների նկատմամբ:

Նախագծային աշխատանքի մեջ ընդգրկված են եղել նաև` Ավետ Թունյանն ու Դավիթ Հովսեփյանը, ովքեր դրսևորել են իրենց որպես աշխատանքային գործընթացի ակտիվ մասնակիցներ, ամբողջությամբ իրենց ձեռքն են վերցրել շատ աշխատանքներ, համագործակցել խմբի անդամների հետ։ Նրանց մոտ ձևավորվել է աշխատանքային կարգապահություն, թիմում աշխատելու և համագործակցելու կարողություններ, բացահայտվել են նրանց թվային և համակարգչային գիտելիքները:

Եվան Ղևոնդյանը ցուցաբերել է նպատակասլացություն, փաստերը հավաքագրելու, համադրելու ունակություններ: Նրա մոտ ձևավորվել է սեփական կարողությունների նկատմամբ ինքնավստահություն, նա դարձել է ավելի շփվող, հետաքրքիր, բաց` նորն ընդունելու և քննարկելու: Բեմադրության ժամանակ նա մարմնավորել է Լեդի Միրիանի կերպարը։

Եվա Հովսեփյանը նախագծային աշխատանքի ամենապատասխանատու մասնակիցներից է, ով ջանք չի խնայել հանձնարարված աշխատանքները բարձր մակարդակով կատարելու, ինչպես նաև դրսևորել է թիմային աշխատանքի հմտություններ: Կարողացել է իր գիտելիքների ողջ պաշարն օգտագործել նախագծային աշխատանքի հաջող իրականացման համար:

Անի Մուսայելյանը նախաձեռնել է բազմաթիվ կազմակերպչական աշխատանքներ, պատրաստել է սահիկաշար, մասնակցել է հեքիաթների թարգմանությանը։ Նա ձեռք է բերել թիմում աշխատելու կարողություններ, աշխատանքային կոնկրետ հմտություններ, ցուցաբերել անձնային բարձր որակներ, ուրիշներին օգնելու պատրաստակամություն:

Լիա Համբարձումյանն ու Էլեն Շահնազարյանը նախագծային աշխատանքի արդյունքում սովորել են թիմային հմտություններ և դարձել ավելի ինքնավստահ։

Նախագծին մասնակցող աշակերտները շատ տարբեր հնարավորություններ ունեն: Մի քանիսն ուսման առաջամարտիկ են, մյուսների ուսումնական դրդապատճառային պահանջմունքներն ավելի ցածր են, բայց ցուցաբերել են իրենց որպես լավագույն աշխատանքային ընկեր, պրպտուն հետազոտող, խորհրդատու:

Նախագծային աշխատանքի իրականացման արդյունքում ստեղծվել է Մեծ Բիտանիանի առասպելների և հեքիաթների ժողովածու և  բեմադրվել է «Ռոբին Հուդ» ներկայացումը։

Տեսանյութերում խոսում են 8-րդ «Ա» դասարանի աշակերտուհիներ Մանե Ավագյանն ու Եվա Հովսեփյանը։