Գորիսի Յուրի Բախշյանի անվան թիվ 3 հիմնական դպրոցում հունիսի 6-ին անցկացվեց միջոցառում՝ նվիրված «Շիրակացու ճեմարան» միջազգային գիտակրթական համալիրի կողմից կազմակերպվող Հանրապետական բաց օլիմպիադայում հաջողություն ցուցաբերած աշակերտների պարգևատրմանը։

Գորիսի Յուրի Բախշյանի անվան թիվ 3 հիմնական դպրոցի 4-8-րդ դասարանների աշակերտները նույնպես ակտիվ մասնակցություն էին ցուցաբերել Հանրապետական բաց օլիմպիադային, որն անցկացվել էր կրթական ծրագրի շրջանակում, և որի նպատակն է բացահայտել շնորհալի երեխաներին, աջակցել նրանց կրթական առաջընթացին և ուսումնասիրել օժտվածության զարգացման խնդիրները։

Հանրապետական բաց օլիմպիադան անց է կացվում «Մաթեմատիկա», «Հայոց լեզու», «Ռուսաց լեզու», «Օտար լեզու», «Բնագիտություն» և «Պատմություն» առարկաներից:

Օլիմպիադայում բարձր արդյունքներ են գրանցել և դիպլոմների ու գովասանագրերի արժանացել Գորիսի Յուրի Բախշյանի անվան թիվ 3 հիմնական դպրոցի հետևյալ աշակերտները․

ՄԱԹԵՄԱՏԻԿԱ

5-րդ «Դ» դասարան

• Օհանյան Մարիամ, գովասանագիր

7-րդ «Գ» դասարան 

• Դաջունց Մայիս, գովասանագիր

ՀԱՅՈՑ ԼԵԶՈՒ

4-րդ «Ա» դասարան 

• Միրումյան Արամ, գովասանագիր
• Մուրադյան Էրիկա, գովասանագիր
• Սահակյան Յուրա, գովասանագիր

5-րդ «Ա» դասարան 

• Տատինցյան Ալետա, 3-րդ կարգի դիպլոմ

5-րդ «Բ» դասարան 

• Քոչարյան Հենրի, գովասանագիր

5-րդ «Դ» դասարան 

• Օհանյան Մարիամ, 2-րդ կարգի դիպլոմ

7-րդ «Բ» դասարան 

• Միրաքյան Մարթա, գովասանագիր

8-րդ «Ա» դասարան 

• Բաղդագյուլյան Ինեսա, 2-րդ կարգի դիպլոմ
• Մարտիրոսյան Մարի, 3-րդ կարգի դիպլոմ

8-րդ «Գ» դասարան 

• Մինասյան Անի, 2-րդ կարգի դիպլոմ

ՌՈՒՍԱՑ ԼԵԶՈՒ

8-րդ «Գ» դասարան 

• Մուսայելյան Անի, արտամրցութային

ԲՆԱԳԻՏՈՒԹՅՈՒՆ

7-րդ «Գ» դասարան 

• Դաջունց Մայիս, գովասանագիր

Միջոցառման ընթացքում առանձնահատուկ ուշադրություն դարձվեց նաև օլիմպիադայի կազմակերպմանն աջակցած Գորիսի Յուրի Բախշյանի անվան թիվ 3 հիմնական դպրոցի անձնակազմին։ «Շիրակացու ճեմարան» միջազգային գիտակրթական համալիրը կազմակերպչական աշխատանքներում ցուցաբերած բարձր պատասխանատվության և աջակցման համար շնորհակալագրերով պարգևատրեց դպրոցի տնօրենի պաշտոնակատար Սերգեյ Ավանեսյանին, ուսուցչի օգնականներ Արփինե Ծատրյանին, Հասմիկ Օհանյանին, Հասմիկ Տատինցյանին, Անուշ Էլյազյանին, Օլյա Ղուլունցին, Հայարփի Բակունցին, հատուկ մանկավարժ Սյուզաննա Մաշուրյանին և գրադարանավար Արշալույս Երիցյանին։

Միջոցառումը ևս մեկ վկայություն էր այն մասին, որ նպատակասլաց և նվիրումով աշխատող մանկավարժական թիմը կարող է մեծապես նպաստել աշակերտների կրթական հաջողություններին՝ ներշնչելով նորանոր ձեռքբերումների և խրախուսելով գիտելիքի հանդեպ սերը։

Գորիսի Յուրի Բախշյանի անվան թիվ 3 հիմնական դպրոցի ղեկավարությունն իր շնորհակալությունն է հայտնում բոլոր նրանց, ովքեր ներդրում են ունեցել այս կարևոր միջոցառման կազմակերպման և հաջող անցկացման գործում։

Այսպիսի միջոցառումները ոչ միայն ճանաչում են տալիս աշակերտների գիտելիքներին, այլև խթանում նոր հաջողությունների ձգտելու ոգին՝ դարձնելով դպրոցն աճի և զարգացման կենտրոն։