Սեպտեմբերի 23-ին Գորիսի Յուրի Բախշյանի անվան թիվ 3 հիմնական դպրոցի 1-ին «Գ» դասարանում տիրում էր ուրախ ու տոնական մթնոլորտ․ փոքրիկ աշակերտները առաջին անգամ բացեցին դպրության դռները՝ հանդիպելով հայոց այբուբենի առաջին հնչյուն-տառին՝ «Ա»-ին։ Դասվար Արմինե Հարությունյանի նախաձեռնությամբ սովորական դասը վերածվել էր յուրօրինակ տոնի․ երեխաները երգում էին, պատմում, հարց ու պատասխանների միջոցով բացահայտում «Ա»-ի խորհրդանիշը։ Դասարանը զարդարված էր գունեղ դեկորներով, իսկ միջոցառմանը ներկա ծնողները հպարտությամբ հետևում էին իրենց փոքրիկների առաջին հաջողություններին։ Գրաճանաչության մեկնարկը կարևոր հանգրվան է յուրաքանչյուր երեխայի կյանքում․ այն ոչ միայն գիտելիքի ու դպրության ճանապարհի սկիզբն է, այլև ազգային արժեքների ու մշակույթի ճանաչման առաջին քայլը։ «Ա»-ով սկսվում է հայոց այբուբենը, և հենց «Ա»-ից էլ սկսվեց փոքրիկ Բախշյանականների մեծ ճանապարհորդությունը՝ դեպի գրականություն, պատմություն և գիտելիք։ Այսօր նրանք արդեն դպրոցական ընտանիքի լիարժեք անդամներ են, իսկ վաղը լինելու են մեր մշակույթի ու գիտելիքի կրողները։
| |
|
| |
| Դիտումներ: 185 | |
| Մեկնաբանություններն ընդամենը՝: 0 | |