Փետրվարի 19-ին՝ Գրքատոնի շրջանակում անցկացվեց «Որտեղ կա գիրք, կա միտք, լույս և ապագա» խորագիրը կրող միջոցառում։ Միջոցառման հաղորդավարներն էին Գորիսի Յուրի Բախշյանի անվան թիվ 3 հիմնական դպրոցի 8-րդ «Գ» դասարանի սովորողներ Միլենա Մելքումյանն ու Գագիկ Պողոսյանը։ Միջոցառման ընթացքում ցուցադրվեց դպրոցի աշակերտական խորհրդի կողմից պատրաստված տեսահոլովակը, որը նվիրված է գրքին, ընթերցանության կարևորությանը և գրական արժեքների տարածմանը։ Տոնական ծրագրում ընդգրկված էին նաև երաժշտական կատարումներ, որոնք միջոցառմանը հաղորդեցին ջերմ, ոգեշնչող և հանդիսավոր մթնոլորտ։ Միջոցառմանը ներկա էին դպրոցի տնօրենի պաշտոնակատար Սերգեյ Ավանեսյանը, ԿԱԴԱՀ Արմիդա Գևորգյանը, ինչպես նաև դպրոցի մանկավարժական կազմի ներկայացուցիչներ։ Միջոցառման ավարտին Գորիսի Յուրի Բախշյանի անվան թիվ 3 հիմնական դպրոցը պարգևատրվեց շնորհակալագրով՝ Գրքատոնի շրջանակում ցուցաբերած ակտիվ մասնակցության և գրքի ու ընթերցանության նկատմամբ սիրո տարածման համար։
| |
|
| |
| Դիտումներ: 112 | |
| Մեկնաբանություններն ընդամենը՝: 0 | |