Փետրվարի 14-ին Գորիսի Սերո Խանզադյանի անվան թիվ 6 հիմնական դպրոցում տեղի ունեցավ «Դպրոցականների բասկետբոլի լիգա» մարզական խաղերի առաջին՝ համայնքային փուլը՝ 5-6-րդ դասարանների աշակերտների մասնակցությամբ: Գորիսի Յուրի Բախշյանի անվան թիվ 3 հիմնական դպրոցի 5-6-րդ դասարանների թիմը գրանցեց իր առաջին հաղթանակը:

Մրցումների նպատակն է՝ դպրոցականների շրջանում բասկետբոլի զարգացումը, տաղանդավոր, հեռանկար ունեցող մարզիկների հայտնաբերումը՝ հետագայում Հայաստանի Հանրապետության առաջնություններին մասնակցող թիմերում ընդգրկելու նպատակով, դպրոցահասակ երեխաների առողջության ամրապնդումը, առողջ ապրելակերպի ձևավորման գործում ֆիզիկական կուլտուրայի և սպորտի դերի բարձրացումը, ֆիզիկապես առողջ և բարոյապես կայուն սերնդի ձևավորումը: