Ապրիլի 17-ին Գորիսի Յուրի Բախշյանի անվան թիվ 3 հիմնական դպրոցի 7-րդ «Ա», «Բ» և «Գ» դասարանների աշակերտների մասնակցությամբ «Կենսաբանություն» առարկայից անցկացվեց դաս-ցուցադրություն։ Դասը կազմակերպել էր ուսուցչուհի Մարինե Բաբայանը և նվիրված էր «Արյունատար համակարգը և արյան շրջանառությունը» թեմային։ Դասի ընթացքում աշակերտները մանրամասն ծանոթացան կենդանիների սրտի կառուցվածքին։ Կաթնասունի սրտի օրինակով ներկայացվեց սրտի կառուցվածքը, դրա հիմնական առանձնահատկությունները, սրտի աշխատանքը և արյան շրջանառության փուլերը։ Աշակերտներն ուսումնասիրեցին սրտի փականների դերը, ինչպես նաև թթվածնով և ածխաթթու գազով հագեցած արյան շրջանառության ուղիները։ Դաս-ցուցադրության ավարտին ամփոփվեց ներկայացված նյութը, և ընդգծվեց սրտի չորս խոռոչների համակարգված աշխատանքի կարևորությունը։ Դասը նպաստեց աշակերտների գիտելիքների խորացմանը կենդանաբանության ոլորտում։ Ուսումնասիրման գործընթացում աշակերտները ակտիվորեն մասնակցում էին քննարկումներին, և նրանց հետաքրքրությունը հատկապես մեծացավ այն գիտակցմամբ, որ մարդու սիրտը նույնպես կաթնասունի սրտի կառուցվածքին շատ նման է։ Այսպիսի դաս-ցուցադրությունները խթանում են սովորողների տեսողական և գործնական կարողությունների զարգացումը՝ գիտելիքը դարձնելով ավելի կիրառական և ամուր։
| |
|
| |
| Դիտումներ: 188 | |
| Մեկնաբանություններն ընդամենը՝: 0 | |