Օգոստոսի 11-22-ը Սանկտ-Պետերբուրգում անցկացվում է ռուսաց լեզվի ուսուցիչների միջազգային վերապատրաստման ծրագիրը, որին մասնակցում են 29 երկրների ներկայացուցիչներ։ Վերապատրաստմանը մասբակցում է նաև Գորիսի Յուրի Բախշյանի անվան թիվ 3 հիմնական դպրոցի ուսուցչուհի Շահանե Գյուրջյանը։

Վերապատրաստման ծրագրի նպատակն է․

• ներկայացնել ռուսերենի դասավանդման նորագույն մեթոդները,
• մշակել արդյունավետ ուսուցման մոտեցումներ բազմամշակութային միջավայրում,
• խթանել ռուսական մշակույթի ընկալումը կրթության համատեքստում,
• նպաստել տարբեր երկրների ուսուցիչների փորձի փոխանակմանը և շարունակական մասնագիտական զարգացմանը։

Դասընթացների ընթացքում մասնակիցները հնարավորություն ունեն ծանոթանալու ոչ միայն ժամանակակից ուսուցման մեթոդաբանությանը, այլև Սանկտ-Պետերբուրգի մշակութային ժառանգությանը։ Նրանց համար կազմակերպվել են այցելություններ քաղաքի պատմական ու մշակութային նշանակություն ունեցող վայրեր՝ Ռուսական պետական թանգարան, Գատչինայի պալատ և այգիներ, Հարության տաճար և Իսահակի տաճար։

Այսպիսի ծրագրերը նպաստում են միջազգային կրթական համագործակցության խորացմանը, ինչպես նաև մասնագիտական հմտությունների կատարելագործմանը։