Գորիսի Յուրի Բախշյանի անվան թիվ 3 հիմնական դպրոցի մաթեմատիկայի ուսուցչուհի Արփինե Մարտիրոսյանը, արդյունավետ կիրառելով «Koreez» հարթակի ուսուցչի գործիքը՝ «teacher.koreez.am»-ը, արժանացել է «Բրոնզե գրիչ» պատվավոր կոչմանը։

Նրա նախաձեռնությամբ ստեղծվել է ավելի քան 100 թվային առաջադրանք, որոնք ոչ միայն հարստացրել են ուսումնական գործընթացը, այլև փոխել են սովորելու մթնոլորտը։

«Koreez»-ի միջոցով մաթեմատիկայի դասերը դարձան նորարարական և ներգրավող․ աշակերտները այժմ սովորում են խաղալով, մրցելով, ստեղծելով, փորձարկելով և սիրելով գիտելիքը։

Այս հաջողությունը վկայում է, որ երբ ուսուցիչը զինված է ճիշտ թվային գործիքներով և մոտիվացիայով, սովորելը վերածվում է ոգեշնչող գործընթացի, իսկ արդյունքները դառնում են շոշափելի և չափելի։

Գորիսի Յուրի Բախշյանի անվան թիվ 3 հիմնական դպրոցի տնօրենությունը շնորհավորում է Արփինե Մարտիրոսյանին՝ կրթական նորարարության և ստեղծարար ուսուցման մշակույթի ձևավորման գործում ունեցած նշանակալի ներդրման համար։