Փետրվարի 9-ից Գորիսի Յուրի Բախշյանի անվան թիվ 3 հիմնական դպրոցում մեկնարկել են տնօրենության կողմից կազմակերպվող գրավոր աշխատանքները՝ առաջին կիսամյակում ուսումնասիրված բովանդակության հիման վրա։

Գրավոր աշխատանքներին մասնակցում են 3–9-րդ դասարանների սովորողները, որոնց գիտելիքները ստուգվում են «Մայրենի» («Հայոց լեզու») և «Մաթեմատիկա» («Հանրահաշիվ») առարկաներից։ Աշխատանքների նպատակն է գնահատել սովորողների ուսումնական առաջընթացը, բացահայտել ուժեղ և բարելավման կարիք ունեցող կողմերը, ինչպես նաև նպաստել կրթական գործընթացի արդյունավետ կազմակերպմանը։

Արդեն ավարտվել են «Մաթեմատիկա» («Հանրահաշիվ») առարկայից տնօրենության կողմից անցկացվող գրավոր աշխատանքները։ Ընթացիկ շաբաթվա ընթացքում շարունակվում են ստուգումները «Մայրենի» («Հայոց լեզու») առարկայից, որոնց արդյունքները կօգնեն ուսուցիչներին առավել նպատակային պլանավորել հետագա դասավանդման գործընթացը։