Գորիսի Յուրի Բախշյանի անվան թիվ 3 հիմնական դպրոցի 3-րդ «Ա» դասարանի աշակերտները, դասվար Նունե Գալստյանի ուղեկցությամբ, մասնակցեցին ճանաչողական այցի՝ այցելելով Գորիսի պատկերասրահ, երկրագիտական թանգարան և Սուրբ Գրիգոր Լուսավորիչ եկեղեցի։ Այցելության նպատակն էր՝ զարգացնել աշակերտների գեղագիտական մտածողությունը, ձևավորել մշակութային ինքնագիտակցություն, նրանց ծանոթացնել հայրենիքի պատմությանն ու հոգևոր արժեքներին։ Աշակերտները մեծ հետաքրքրությամբ ուսումնասիրեցին արվեստի գործերը, տեղական պատմության վկայությունները և խորապես զգացին եկեղեցական միջավայրի հոգևորը։ Էքսկուրսիայի ընթացքում նկատվեց երեխաների բարձր ոգևորությունն ու հետաքրքրվածությունը, ինչն ապացույցն էր այն բանի, որ նմանատիպ այցերը ոչ միայն հարստացնում են աշակերտների գիտելիքները, այլև սերմանում հարգանք մշակույթի, պատմության ու հավատքի նկատմամբ։ Այսպիսի նախաձեռնությունները մեծապես նպաստում են աշակերտների բազմակողմանի զարգացմանը, աշխարհայացքի ձևավորմանը և արժեքային համակարգի կայունացմանը։
| |
|
| |
| Դիտումներ: 95 | |
| Մեկնաբանություններն ընդամենը՝: 0 | |