Ապրիլի 17-ին Գորիսի Յուրի Բախշյանի անվան թիվ 3 հիմնական դպրոցի 8-րդ «Գ» դասարանում անցկացվեց «Celebrations all over the World» թեմայով բաց դաս։ Դասի սկիզբը տոնական տրամադրություն ու հետաքրքրություն ստեղծեց. աշակերտները էմոջիների օգնությամբ փորձում էին գուշակել տարբեր երկրների տոնակատարությունները։ «Անգլերեն» առարկայի ուսուցչուհի Թագուհի Գրիգորյանի նախաձեռնությամբ դասարանը բաժանվել էր խմբերի, որոնցից յուրաքանչյուրն ուսումնասիրել էր կոնկրետ տոնակատարություններ։
Աշակերտները ոչ միայն ուսումնասիրել էին տոնակատարությունների պատմությունը, խորհրդանիշները, ավանդական ուտեստները և երաժշտությունը, այլև պատրաստել էին տեսողական նյութեր՝ պլակատներ, տեսանյութեր ու բեմադրություններ։ Յուրաքանչյուր խումբ անգլերենով ներկայացրեց իր թեման, օգտագործելով լուսանկարներ, ցուցադրություններ և փոքրիկ բեմականացում։ Դասի վերջում «Վարդ-Փուշ-Բողբոջ» մեթոդի միջոցով ամփոփվեցին աշակերտների տպավորություններն ու դասի հիմնական արդյունքները, ապահովելով ուսումնական գործընթացի լիարժեք և ստեղծագործ ավարտ։ Դասի նպատակն էր զարգացնել աշակերտների անգլերեն բանավոր խոսքը՝ տարբեր երկրների տոնակատարությունները ներկայացնելու միջոցով։ Այն նպաստեց աշակերտների մշակութային գիտակցության խորացմանը և միջմշակութային հարգանքի ձևավորմանը։ Դասը միաժամանակ խթանեց թիմային աշխատանքը, ստեղծագործական մտածողությունը և հետազոտական հմտությունները։
| |
|
| |
| Դիտումներ: 168 | |
| Մեկնաբանություններն ընդամենը՝: 0 | |