Գորիսի Յուրի Բախշյանի անվան թիվ 3 հիմնական դպրոցի 4-րդ «Բ» դասարանի աշակերտները, դասվար Վարդ Գրիգորյանի ուղեկցությամբ, իրականացրին ճանաչողական այց Գորիսի պատկերասրահ և Գորիսի երկրագիտական թանգարան։ Այցի նպատակն էր խորացնել աշակերտների գիտելիքներն իրենց քաղաքի պատմության, մշակույթի և արվեստի վերաբերյալ՝ նրանց դասարանային ուսումնառությունը համալրելով նաև կիրառական և փորձառական բաղադրիչով։ Պատկերասրահում փոքրիկ այցելուները ծանոթացան նկարիչների ստեղծագործություններին, ուսումնասիրեցին գեղանկարչական տարբեր ժանրեր ու ոճեր, իսկ թանգարանում նրանք հնարավորություն ունեցան տեսնելու Գորիսի և տարածաշրջանի պատմությանը, կենցաղին ու ավանդույթներին վերաբերող ցուցանմուշներ։ Այսպիսի այցերը նպաստում են աշակերտների աշխարհայացքի ձևավորմանը, հայրենաճանաչությանը և մշակութային գիտակցության բարձրացմանը՝ կրթական գործընթացն ավելի հետաքրքիր ու ոգեշնչող դարձնելով։
| |
|
| |
| Դիտումներ: 100 | |
| Մեկնաբանություններն ընդամենը՝: 0 | |