Փետրվարի 20-ին Գորիսի Յուրի Բախշյանի անվան թիվ 3 հիմնական դպրոցի 2-րդ «Ա», «Բ» և «Գ» դասարանների սովորողները մասնակցեցին գիտելիքների ստուգման գործընթացին, որն անցկացվում էր 2-րդ դասարանցիների համար։ Ստուգման նպատակն էր պարզել 1-ին դասարանի ուսումնական ծրագրի բովանդակության յուրացման մակարդակը և գնահատել սովորողների պատրաստվածությունը հետագա ուսումնական փուլերի համար։

Գրավոր աշխատանքները Գորիսի Յուրի Բախշյանի անվան թիվ 3 հիմնական դպրոցի սովորողների համար կրում էին ոչ պարտադիր բնույթ՝ ապահովելով հանգիստ և աջակցող միջավայր, որտեղ երեխաները կարող էին առավել ազատ դրսևորել իրենց գիտելիքները։

Աշխատանքները «Մայրենի» և «Մաթեմատիկա» առարկաներից իրականացվեցին դասվարներ Իրինա Ջավահիրյանի, Անահիտ Աղաբեկյանի, Տաթևիկ Փարսադանյանի և Տարրական կրթության մեթոդմիավորման նախագահ Ռիտա Շալունցի վերահսկողությամբ։

Ամփոփ արդյունքները, որոնք արձանագրվեցին համապատասխան ձևաթղթերում, վկայում են սովորողների բարձր առաջադիմության և ուսումնական նյութի հաջող յուրացման մասին։ Ստացված տվյալները հնարավորություն կտան ուսուցիչներին առավել նպատակային պլանավորել հետագա աշխատանքը՝ պահպանելով կրթության որակն ու շարունակական զարգացումը։