Մարտի 19-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Գինին հայոց ավանդական մշակույթում» թեմայով նախագծային աշխատանքը ղեկավարում էր «Հայաստանի պատմություն» առարկայի ուսուցչուհի Մերի Դանիելյանը։

Նախագծային աշխատանքն իրականացրին 8-րդ «Բ» դասարանի աշակերտներ Համլետ Խաչյանը, Հասմիկ Հակոբյանը, Գոռ Օսիպովը, Սիրանուշ Հարությունյանը, Գոռ Տատինցյանը, Արմեն Բաբայանն ու Նանե Բաբայանը։

Նախագծային գործունեություն կազմակերպելիս անհրաժեշտ է հաշվի առնել սովորողների տարիքային առանձնահատկությունները, պատրաստվածությունը, ՏՀՏ հմտությունները և այն իրականացնելիս պետք է հիշել, որ նախագիծը ուսումնական է. սովորողը նախագծի միջոցով սովորում է:

Նախագծային աշխատանքի նպատակն էր՝
Ակադեմիական 

• Զարգացնել ավանդական մշակութային արժեքները գնահատելու, պահպանելու, դրանց մասին տեղեկույթը ուսումնասիրելու կարողություն: 
• Բացահայտել գինու դերն ու նշանակությունը հայոց ավանդական մշակույթում:
• Ծանոթացնել գինու մշակույթի, պատմության ավանդույթների հետ, արդիականացնել, արժևորել գինու ազդեցությունն ու կիրառումը հայ ժողովրդի կյանքում, ստեղծել արդյունավետ համագործակցելու պայմաններ, նպաստել բացատրելու, բնութագրելու, համեմատելու, եզրահանգումներ անելու, տեսակետ հայտնելու, գնահատելու, արժևորելու կարողությունների ձևավորմանը:

Արժեհամակարգ

• Ներկայացնել և վերհանել գինիների տեսակների, գինեգործների, գինեգործության գաղտնիքների մասին տեղեկույթը և ձևավորել մշակութային արժեհամակարգ, արժևորել գինու օգտագործումը ավանդական տոնակատարությունների ժամանակ:

Հմտություն

• Իմանալ հայկական գինու պատմական ակունքները՝ նախահայկական ժամանակներից մինչև մեր օրերը:

Կարողություն 

• Սովորողների մասնակցությամբ ներկայացնել տեսանյութ, իրենց կողմից ստացված գինի, սեփական նախաձեռնությամբ ձևավորել գինու շիշ:
• Ձևավորել հետաքրքրություն Արենի 1 քարանձավի ուսումնասիրությունների արդյունքում հայտնաբերված աշխարհի ամենահին գինու հնձաններից մեկի մասին:

Նախագծային աշխատանք խնդիրներից էր՝

• Նախնական հետազոտություն կատարել:
• Զարգացնել մշակութային արժեքները գնահատելու, պահպանելու, դրանց մասին տեղեկույթը ուսումնասիրելու կարողություն:
• Արդիականացնել, արժևորել աշակերտների գիտական ուսումնասիրությունները:
• Ստեղծել արդյունավետ համագործակցելու պայմաններ:
• Զարգացել ստեղծագործական, քննադատական, վերլուծական, ինքնաճանաչողական մտածողություն: 
• Ուսումնասիրել ավանդական տոնակատարությունների ժամանակ գինու օգտագործումը, նշանակությունը և խորհուրդը: 

Նախագծի իրականացման ընթացում՝ լինելով նախագծի ղեկավար հանդես եմ եկել որպես

• Ուղղորդող, խորհրդատու, կազմակերպիչ
• Որպես ստեղծագործող, հետազոտող անհատ
• Վերահսկել եմ աշխատանքը, բայց սեփական կարծիքս չեմ թելադրել, աշակերտներին ինքնուրույն աշխատելու հնարավորություն եմ տվել
• Անընդհատ պրպտող, նոր լուծումներ գտնող:

Կատարվել է նախագծային խմբի ձևավորում, նախապես ներկայացվել են նախագծային աշխատանքների թեմաները, կազմվել է ուսումնական նախագծի պլան, թեմատիկ պլան և կատարվել է աշխատանքի բաժանում: Կոնկրետացվել են հանձնարարությունները։ Որպես ղեկավար աջակցել եմ նախագծային աշխատանքի տեսական մասի կատարմանը, գնահատել սովորողների կարողություններն ու հմտությունները: Նախագծային աշխատանքի թեման ընտրվել էր «Գինին հայոց ավանդական մշակույթում», որն իրականացվել է 8-րդ «Բ» դասարանների աշակերտների կողմից:

Նախագծային աշխատանքի համար նախապես կազմվել է աշխատանքային թեմատիկ պլան, որում հստակ սահմանել են այն աշխատանքները, որոնք պետք է իրականացվեն հանդիպումների ընթացքում:

Նախագծային աշխատանքի մեկնարկը տրվել է փետրվարի 4-ին և ավարտվել մարտի 18-ին: Պաշտպանությունը տեղի է ունեցել մարտի 19-ին՝ ժամը 14:35-ին: 

Նախագիծն աշակերտներին հնարավորություն է տվել հստակ պատկերացում կազմել Հայաստանի Վայոց ձորի մարզում գտնվող Արենիի «Թռչունների քարանձավի» հնագիտական ուսումնասիրությունների ընթացքում կատարված բացահայտումների մասին: Կատարած հետազոտական աշխատանքների արդյունքում սովորողները կարողացել են բացահայտել և ներկայացնել հայկական գինեգործության առանձնահատկությունները և դրա ազդեցությունը ազգային մշակույթի վրա: Կարողացել են վերլուծել գինեգործության ժամանակակից և ավանդական մեթոդները: Մասնակցելով այս նախագծային աշխատանքին մասնակից աշակերտները կարողացան ներկայացնել ոչ միայն գինու արտադրության գործընթացը, այլ նաև գյուղատնտեսական դերակատարությունը՝ խաղողի աճեցումից մինչև վերջնական արտադրանք: Նրանք ձեռք բերեցին որոշակի գիտելիքներ հայկական տարբեր տեսակի գինիների և դրանց առանձնահատկությունների մասին: Տեղեկացան, որ գինին օգտագործել են ավանդական տոնակատարությունների և եկեղեցական արարողությունների ժամանակ: Նրանց միջոցով բացահայտվեց և կարևորվեց գինու դերը հայկական ընտանիքում և հյուրասիրության մեջ: Բավականին հետաքրքիր էր գինու փառատոնի և գինու տուրիզմի մասին տեղեկույթի բացահայտումներն ու ներկայացումը: Աշակերտները կարողացան գնահատել և ներկայացնել սերնդեսերունդ անցնող այն պատմություններն ու լեգենդները, որոնք ոչ միայն հրապուրել, այլև զարմացրել են ինչպես տեղաբնիկներին, այնպես էլ հյուրերին: Կարողացան բացահայտել գինու դերն ու նշանակությունը հայ գրականության և արվեստի մեջ, բացահայտել գինու խորհրդանշական նշանակությունը, որպես հավատի և քրիստոնեության, Հիսուս Քրիստոսի մարմնի և արյան մարմնավորման խորհրդանիշ: Հասկացան, որ Հայաստանը համարվում է աշխարհի հնագույն գինեգործական կենտրոններից մեկը: Գինու պատմությունը Հայաստանում հազարամյակների խորքից է գալիս և անքակտելիորեն կապված է հայ ժողովրդի մշակույթի, տնտեսության և կրոնական կյանքին: Աշակերտները կարողացան վերլուծել, հասկանալ և ամփոփելով պարզել, որ ամենահին փաստացի տվյալները հայկական գինեգործության մասին գալիս է Արենի 1 քարանձավից: 2007 թվականին այստեղ հայտնաբերվեց աշխարհի ամենահին գինեգործարանը, որը թվագրվում է Ք.ա. 6100-ական թվականներով: Այստեղ գտնվել են խաղողի խեցեղեն սափորներ, գինու մզիչներ և այլ գործիքներ, որոնք ցույց են տալիս, որ այդ ժամանակահատվածում արդեն իսկ գինու արտադրությունը զարգացած էր: Այս հնագույն գտածոները ապացուցում են, որ գինեգործությունը հայկական մշակույթի անբաժանելի մասն է եղել դեռևս վաղ ժամանակներից: Կարողացան բացահայտել, որ Ուրարտական թագավորության ժամանակ (Ք.ա. 9-6-րդ դարեր) Հայաստանի տարածքում գինեգործությունը մեծ զարգացում է ապրել: Խաղողագործությունը դարձել էր տնտեսության կարևոր մասն ու ռազմավարական նշանակություն ունեցող ոլորտ: Աշակերտների կողմից կատարված ուսումնասիրությունները փաստեցին, որ ուրարտական թագավորները հատուկ ուշադրություն էին դարձնում խաղողի այգիների ստեղծմանն ու պահպանմանը: Գինին Ուրարտուի բնակչության կյանքում ու ավանդույթներում մեծ դեր էր խաղում, այն օգտագործվում էր ինչպես ծիսական արարողությունների ժամանակ, այնպես էլ առօրյա կյանքում: Նրանց կողմից կատարվեցին կանխատեսումներ, բացահայտվեցին, որ միջնադարում ևս գինին շարունակել է իր կարևորությունը պահպանել: Ներկայացվեց, որ գինեգործությունը բուռն զարգացում էր ապրում, հատկապես հայ եկեղեցու ազդոցության ներքո, քրիստոնեության ընդունումից հետո (301թ.) գինին հայկական եկեղեցական ծիսակարգի մի մասն է դարձել, մասնավորապես՝ Սուրբ Պատարագի ժամանակ: Այսօր Հայաստանը հայտնի է իր բարձրորոկ գինիներով, որոնք արտադրվում են ինչպես ավանդական, այնպես էլ ժամանակակից տեխնոլոգիաներով: Հայկական գինիները արտահանվում են տարբեր երկրներ և արժանանում բարձր գնահատանքի միջազգային մրցույթներում:

Գինու տուրիզմը նույնպես մեծ տարածում է ստացել, և գինու տոնակատարությունները, ինչպես օրինակ Արենի գինու փառատոնը, ամեն տարի գրավում են հազարավոր զբոսաշրջիկների: Աշակերտները հասկացան, որ Հայաստանում գինին ոչ միայն արտադրանքի տեսակ է, այլ նաև ազգային մշակույթի, պատմության և ինքնության մի մաս, որը պահպանվել և զարգացել է դարերի ընթացքում:

Մեծ հետաքրքրությամբ ուսումնասիրեցին և ներկայացրին գինու տեղը հայ գրականության և հայկական կինոարվեստի մեջ: Կատարեցին մեջբերումներ գրականությունից, թվարկեցին և վերլուծեցին հայկական ֆիլմերում գինու ունեցած նշանակությունն ու  խորհուրդը:

Նախագծային աշխատանքի սկզբում որոշվել է աշակերտների անվանացանկը: Այն աշակերտները, որոնք ցանկացել են, միացել են խմբին։ Արդյունքում տվյալ նախագծային աշխատանքի խմբում ընդգրկվել է 8-րդ «Բ» դասարանի 7 աշակերտ։ Հաջորդ քայլով կատարվել է աշխատանքի հստակ բաժանում, որի արդյունքում Հասմիկ Հակոբյանը ընտրվել է որպես համակարգող, որը  վերահսկում էր նաև մյուսների աշխատանքը:

Մերի Դանիելյանը կազմակերպել և վերահսկել է նախագծի գործունեությունը, լսել  սովորողների կարծիքները, դրա հիման վրա բաշխել աշակերտների դերերը: Սովորողները նախապես պլանավորել են աշխատանքը, կատարվել է հետազոտական աշխատանք, որի ընթացում եղել են նաև դժվարություններ: Դրանք հաղթահարվել են սովորողների կողմից: Նախագծին մասնակից բոլոր աշակերտների ջանքերով իրականացրել են նկարահանում՝ Գորիսի Սուրբ Գրիգոր եկեղեցու տարածքում, որտեղ ներկայացրել են իրենց կողմից կատարված աշխատանքը: Այդ ամենը ամփոփվել է տեսանյութի մեջ: Նրանց կողմից սեպտեմբեր ամսին կատարվել է խաղողի բերքահավաք: Աշակերտների կողմից կատարվել են գինու ստացման համար անհրաժեշտ բոլոր աշխատանքները՝ քայլ առ քայլ: Չնայած նախագծային աշխատանքի պաշտպանությունը լինելու էր մարտ ամսին, երեխաները ավելի վաղ էին սկսել աշխատել, քանի որ անհրաժեշտ էր կատարել բոլոր քայլերն ըստ հերթականության՝ որակյալ գինի ստանալու համար:  Տեսանյութի մեջ ներկայացված է նաև կատարված բոլոր աշխատանքները:

Աշակերտները բաժանվել էին երկու պայմանական խմբերի՝ տղաների և աղջիկների: Տղաների ուժերով և համառ աշխատանքով կարողացել են ստանալ գինին և շշերի համար նախատեսված տակդիրը: 

Աղջիկների մասնակցությամբ՝ Հասմիկ Հակոբյանի գլխավորությամբ ստացել են կտավ և ձևավորել են գինու երկու շիշ: Պատրաստել են նաև QR կոդ, որտող 3D ձևով ցուցադրվում է Արենի 1 քարանձավը:

Այս կատարված աշխատանքները ևս ամփոփվել են տեսանութով:

Նախագծային աշխատանքի համար ընտրել էին սպիտակ շապիկներ և հայկական զարդանախշերով ժիլետներ:

Նախագծային աշխատանքի խմբում ընդգրկված աշակերտների հետ հանդիպումներն իրականացվել են նախատեսված ժամաքանակից մի քանի անգամ ավել (շաբաթական 3-4 անգամ): Հանդիպումների ժամանակ ուսումնասիրվել և քննարկվել են աշակերտների կողմից ներկայացված փաստարկները, տեղեկությունները, թերություններն ու առավելությունները, տրվել խորհուրդներ՝ աշակերտներին նախապատրաստելով պաշտպանությանը:

Մերի Դանիելյանի կողմից սահմանված առաջադրանքներն աշակերտները կատարել են օգտվելով համացանցից, գրական սկզբնաղբյուրներից: Հավաքագրված ինֆորմացիան մշակվել է, խմբագրվել և դրանց հիման վրա պատրաստվել են այն պրոդուկտները, որոնց մասին նշվեց՝ տեսանյութ, կտավ, հատուկ ժիլետներ և սահիկ, գինու երկու ձևավորած շիշ, շշերի տակդիր, գինի:

Աշխատանքի ընթացքում յուրաքանչյուր սովորող իրականացրել է նախագծային աշխատանքի պլանով սահմանված աշխատանքը: Աշակերտները պարբերաբար ցույց են տվել իրենց ստեղծագործական հնարավորություններն ու կարողությունները: Նրանք աշխատել են անհատական,  ինքնուրույն, ակտիվ, յուրաքանչյուրն իր դերով, քննարկել  են իրար հետ, որոնել,  ուսումնասիրել, տարբերակել  և նախապատրաստել նյութեր ներկայացման համար։

Ձեռք բերված գիտելիքների արդյունքում նրանց մոտ ձևավորվել է մշակութային արժեքների պահպանության արժեհամակարգ: Միևնույն ժամանակ նախագծային աշխատանքն իրականացնելու ժամանակ սովորողներն էլ ավելի են մտերմացել, փորձել օգտակար լինել միմյանց, համախմբված լինելով մեկ ընդհանուր նպատակի շուրջ, կարողացել են ուսումնասիրել-բացահայտել, իրարից սովորել, գնահատել ընկերության արժեքը, հասկանալ դրա առավելությունները: Մի խոսքով՝  նախագծի վրա աշխատելիս առավել ցայտուն դարձան սովորողների ունակությունները:

Նախագծային աշխատանքի ավարտին տրվել է գրավոր աշխատանք՝ թեստային աշխատանքի տեսքով: Արդյունքներն ամփոփվել և կատարվել է գնահատում: Գնահատման համար թեստային աշխատանքի կատարումը ապահովում է 4 միավոր:

Հասմիկ Հակոբյան - Սովորողն ինքնուրույն և մյուսների հետ համատեղ արդյունավետ սովորեց և աշխատեց տարբեր իրավիճակներում: Կարողացավ սեփական ուժերով, համագործակցելով ընկերների հետ ստեղծել կտավ և ձեռք բերել նոր գիտելիքներ: Հասմիկի մոտ ձևավորվեց գինու մշակույթին առնչվող, ուրարտական թագավորության ժամանակ Հայաստանի տարածքում գինեգործության զարգացման պատմության, անցյալի, ներկայի երևույթների վերլուծության, համեմատության և սեփական կարծիքն արտահայտելու ու հիմնավորելու կարողություններ և հմտություններ:

Սովորողի մոտ ձևավորվել է մշակութային տվյալներ հավաքելու, դրանք վերլուծելու քննադատական հմտություն և վերլուծելու կարողություն:

Գոռ Տատինցյան – Սովորողը ձեռք բերեց գիտելիք՝ իր բնական հետաքրքրությունից բխող հարցադրումներ անելով: Նրա մոտ ձևավորվեց աշխարհի հնագույն գինեգործական կենտրոնների, գինու արտադրության տարածման պատմական պատճառների և գինեգործության գաղտնիքների  կիրառման և բացահայտման կարողություն:

Նանե Բաբայան - Սովորողի մոտ ձևավորվեց վստահություն սեփական ուժերի հանդեպ, կարողացավ կառավարել սեփական ժամանակը, գիտելիքներն ու կարողությունները:

Կարողացավ ուշադրության կենտրոնում պահել ոչ միայն գինու մշակույթի ուսումնասիրությունը որպես մշակութային, այլ նաև գիտական առումով:

Սիրանուշ Հարությունյան - Ձևավորվեց պատմական տվյալներ հավաքելու, դրանք վերլուծելու քննադատական հմտություն՝ հետազոտական մեթոդների կիրառմամբ: Քննադատական հմտության և հետազոտական մեթոդների կիրառումը հնարավորություն տվեց մեկնաբանել հայ ժողովրդի անցյալի գործողությունները, պատմական փաստերի ուսումնասիրության արդիականությունը՝ մշակութային զարգացման գործընթացներում և գինու օգտագործումը եկեղեցական կյանքում՝ քրիստոնեության ընդունումից  հետո:

Արմեն Բաբայան - Սովորողի մոտ ձևավորվեց ժամանակի արդյունավետ կառավարման հմտություն: Կարողացավ հավաքագրել տեղեկույթ և ուսումնասիրել գինեգործության բուռն զարգացումը միջնադարում: Արմենի մոտ տեսանելի դարձան մշակութային դեպքերը, երևույթները համեմատելու, համադրելու, վերլուծելու, գնահատելու կարողություններ:

Համլետ Խաչյան - Սովորողի մոտ նախագծային աշխատանքի արդյունքում զարգացել է մտածողության ինքնուրույնության, սեփական գիտելիքներն ինքնուրույն լրացնելու և հարստացնելու հմտություններ: Կարողացել է բացահայտել 1990-ական թվականներից սկսած հայկական գինու ձեռք բերած վարկանիշի և ճանաչման մասին տեղեկույթը:

Գոռ Օսիպով - Թիմում աշխատելով Գոռը կարողացավ զարգացնել հաղորդակցման և սոցիալական հմտություններ: Կարողացավ ցուցաբերել պատասխանատվություն ուսումնական գործընթացի նկատմամբ:

ԱՄՓՈՓՈՒՄ

Մեր օրերում առավել կարևոր հարց է դարձել ճանաչել հայրենիքը: Հայրենիքը սկսվում է պատմամշակութային կառույցների ուսումնասիրությունից, ճանաչումից, արժևորումից:

Նախագծային աշխատանքի շրջանակներում ուսումնասիրած և հավաքագրած բոլոր ասպեկտները հաստատում են, որ գինին հայկական մշակույթի կարևորագույն մասն է և խորը արմատներ ունի հայ ժողովրդի կյանքում՝ սկսած հնագույն ժամանակներից մինչև մեր օրերը: Գինու մշակույթը սերտորեն կապված է եղել հայկական պետականության, տնտեսական և առևտրային հարաբերությունների հետ: Հայկական գինիներ արտահանվել են դեռևս Ք.ա. դարերում, իսկ միջնադարում հայկական վանքերը եղել են գինեգործության կարևոր կենտրոններ:

Հայ ժողովրդի կյանքում գինին ունեցել է կրոնական, կենցաղային և մշակութային նշանակություն: Գինեգործությունն ունեցել է մեծ ազդեցություն հայ ժողովրդի տնտեսական կյանքի վրա: Հատկապես 19-20-րդ դարերում հայկական գինեգործությունը զարգացել է արդյունաբերական մակարդակով՝ շնորհիվ հայտնի գործարանների, ինչպիսիք են Արարատ, Նոյ և Արենի:

Այսպիսով աշակերտների կողմից ուսումնասիրված և հետազոտական աշխատանքի միջոցով ներկայացված թեման գիտելիքների զգալի պաշար ավելացրեց նաև սովորողների մոտ, քանի որ աշակերտները կկարողանան ճիշտ պատկերացում կազմել մշակութային արժեհամակարգի մասին:

Կրթական համակարգում շարունակաբար կատարվող բարեփոխումները պահանջում են նոր մեթոդոլոգիական մոտեցում, կազմակերպչական և բովանդակային նշանակության խնդիրների լուծման ժամանակ, որը կարծում  եմ՝ կնպաստի կրթության որակի բարձրացմանը:

Ինչպես տեսանք, նախագծային մեթոդը թույլ տվեց դրդել աշակերտներին կատարել տրամաբանական  շաղկապված գործողություններ՝  համեմատում, համադրում, վերլուծում:

Կարողացանք խթանել սովորողների ճանաչողական ակտիվությունը, հետաքրքրությունը  ազգային պատմության, մշակույթի, ավանդույթների, ծեսերի ու սովորույթների նկատմամբ, կարողացանք զարգացնել ազգային և մշակութային գիտակցությունը և օգնել գնահատել այն գործոնները, որոնք նպաստում են ազգային միասնությանը և դաստիարակել մարդկանց, մշակութային արժեքների հանդեպ սեր, հարգանք ու խթանել նախնիների, անցյալի հանդեպ հարգանքը, պատմական և մշակութային ժառանգության պահպանության ձգտումը:

Ուստի պետք է հասնել նրան, որ Հայաստանի պատմությունն ուսումնասիրելու միջոցով ևս սովորողները ձեռք բերեն մասնավորապես՝ քննադատական մտածողության հմտություններ՝ համեմատելով, հակադրելով, համադրելով, գնահատելով և կիրառելով պատմական տեղեկատվությունը կամ գիտելիքները, գրավոր և բանավոր ստեղծագործական մտածողության հմտությունները: Հայ ժողովուրդն իր հինգհազարամյա պետականության ընթացքում առանձնահատուկ ուշադրություն է դարձրել մշակութային արժեքներին, հավատքին, սովորույթներին, ավանդույթներին՝ դրանով իսկ ձևավորելով ազգային արժեհամակարգ՝ խարսխված և ժողովրդական ավանդույթների, համաշխարհային գիտական և մշակութային արժեքների վրա։

Համագործակցային ուսուցման ընթացքում կարևորվում է ոչ միայն ակադեմիական գիտելիքների և հմտությունների ձեքբերումը, այլև խմբային գործընթացի մշակման միջոցով հմուտ համագործակցողների (համագործակցային հմտություններ կիրառողներ) և գիտելիքների ակտիվ կիրառողներ (մտածողության հմտություններ կիրառողներ) ձևավորելը: Համագործակցային ուսուցումը մեծացնում է նաև սովորողների ինքնուրույնությունը և պատասխանատվությունը (ինքնաճանաչման և ինքնուղղորդման հմտություների կիրառումը): Անհրաժեշտ է հայ ժողովրդի մշակութային ժառանգությունն ընկալել որպես համաշխարհային քաղաքակրթության բաղադրիչ, զարգացնել քննադատական հմտություններ պատմական նյութի օգնությամբ: Զարգացնել թվային գրագիտություն՝ արդյունավետ կերպով օգտագործելով նոր տեխնոլոգիաների գործիքներն ու ռեսուրսները հետազոտության և նախագծային աշխատանքների համար զարգացնել արդյունավետ հաղորդակցման հմտություններ՝ փոխգործակցության տարբեր մակարդակներում՝ տեղեկատվության փոխանակման համար։ «Հայաստանի պատմություն» առարկայի շրջանակներում անցյալի ուսումնասիրման կիզակետում պահված են այն գործոնները, որոնք ձևավորել են մեր աշխարհընկալումը:

Նախագծային աշխատանքի ներկայացման համար աշակերտների կողմից պատրաստվել է  տեսանյութ, QR կոդ, ժիլետներ, կտավ, սահիկ, գինի, ձևավորած գինու շշեր, որոնք ցուցադրվել են հանձնաժողովի անդամներին: Հանձնաժողովի անդամների կողմից հնչել են կարծիքներ, ներկայացվել առկա թերությունները, կատարվել է գնահատում: Նախագծային աշխատանքի պլանում սահմանված էր, որ ակնկալվող արդյունքը՝ պրոդուկտը, պետք է լինի տեսանյութ, գինի, ձևավորոծ շիշ: