Դեկտեմբերի 10-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Երկրաչափությունը դեկորատիվ արվեստում․ սփռոցներ և շարֆեր» թեմայով նախագծային աշխատանքը ղեկավարում էին «Երկրաչափություն» առարկայի ուսուցչուհի Ալլա Առստամյանը, «Տեխնոլոգիա» առարկայի ուսուցչուհի Կարինե Արզումանյանը, «ԹՀԳՀ» առարկայի ուսուցչուհի Օլյա Ղուլյանը։

Նախագծային աշխատանքն իրականացրին 7-րդ «Բ» դասարանի աշակերտներ Սիլվիա Մարդյանը, Նատալի Օհանջանյանը, Գոռ Զաքարյանը, Յանա Զեյնալյանը, Միլենա Հարությունյանը, Մարի Միրաքյանը, Սերյոժա Սիմոնյանը։

Մարդյան Սիլվիա

Տիրապետում է սիմետրիայի (առանցքային և կենտրոնական) և զուգահեռ տեղափոխության հիմնական հասկացություններին, կարողանում է դրանք ճանաչել և մեկնաբանել զարդանախշերում։ GeoGebra ծրագրի միջոցով ինքնուրույն ստեղծել է զարդանախշի մոդել՝ պահպանելով երկրաչափական ճշգրտությունը։ Ակտիվ մասնակցել է խմբային աշխատանքին, առաջարկել է գաղափարներ և համագործակցել է խմբի անդամների հետ։

Օհանջանյան Նատալի

Խորացրել է գիտելիքները հարթաչափական պատկերների և դրանց հատկությունների վերաբերյալ։ Վերլուծել է զարդանախշերի երկրաչափական կառուցվածքը, բացահայտել կրկնվող օրինաչափությունները։ Մասնակցել է վերջնական դիզայնի մշակմանը՝ դրսևորելով զարգացած գեղագիտական ճաշակ և ստեղծարար մտածողություն։

Զաքարյան Գոռ

Տիրապետում է պտույտի և առանցքային սիմետրիայի կիրառմանը զարդանախշերի ստեղծման գործընթացում։ Կատարել է ճշգրիտ երկրաչափական կառուցումներ քանոնի, կարկինի և GeoGebra ծրագրի օգնությամբ։ Կարողացել է մաթեմատիկորեն հիմնավորել նախշի կառուցման մեջ կիրառված օրինաչափությունները։

Զեյնալյան Յանա

Ուսումնասիրել և վերլուծել է հայկական զարդանախշերի երկրաչափական կառուցվածքը՝ ուշադրություն դարձնելով սիմետրիայի և ձևափոխությունների դերին։ Դրսևորել է ստեղծարար մոտեցում զարդանախշի ձևավորման ընթացքում և ակտիվ մասնակցել է աշխատանքի ներկայացման ու պաշտպանման փուլին։

Հարությունյան Միլենա

Կիրառել է քանոն և կարկին երկրաչափական կառուցումներ կատարելու համար՝ պահպանելով ճշգրտությունն ու համաչափությունը։ Ակտիվորեն համագործակցել է խմբի անդամների հետ, մասնակցել է պրոդուկտի և ներկայացման նյութերի պատրաստմանը՝ նպաստելով թիմային աշխատանքի արդյունավետությանը։

Միրաքյան Մարի

Համակարգել է գիտելիքները սիմետրիայի տեսակների և դրանց կիրառման վերաբերյալ։ GeoGebra ծրագրով ստեղծել է պարզ, բայց կառուցվածքային առումով ներդաշնակ զարդանախշ։ Դրսևորել է պատասխանատվություն առաջադրանքների կատարման ընթացքում և հետևողականություն աշխատանքի մեջ։

Սիմոնյան Սերյոժա

Տիրապետում է երկրաչափական հիմնական հասկացություններին և կարողանում է դրանք կիրառել գործնական խնդիրների լուծման ընթացքում։ Մասնակցել է զարդանախշի մաթեմատիկական վերլուծությանը, ինչպես նաև ակտիվորեն պաշտպանել է խմբի գաղափարները ներկայացման ժամանակ՝ դրսևորելով հաղորդակցման հմտություններ։