Դեկտեմբերի 12-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Մի Մաթեմատիկոսի պատմություն։ Մաթեմատիկան առանց բանաձևերի» թեմայով նախագծային աշխատանքը ղեկավարում էին «Մաթեմատիկա» առարկայի ուսուցչուհի Սիրուշ Բաղդասարյանն ու «ԹԳՀԳ» առարկայի ուսուցչուհի Օլյա Ղուլյանը։

Նախագծային աշխատանքն իրականացրին 7-րդ «Ա» դասարանի աշակերտներ Բենիկ Աթայանը, Մխիթար Բակունցը, Գոռ Գրիգորյանը, Մարի Հովսեփյանը, Մարի Մալինցյանը, Էրիկ Միրզոյանը, Նարեկ Ջավահիրյանը, Ալեքս Սահակյանն ու Յուլյա Օհանջանյանը։

Նախագծային աշխատանքի հիմնահարցը (հիմնախնդիրը)` 

• ճանաչել հանճարեղ մաթեմատիկոսներին և ուսումնասիրել նրանց գործունեությունը:

Նախագծային աշխատանքի նպատակը՝

• Ուսումնասիրել հայտնի մաթեմատիկոսի կյանքը և աշխատանքները
• Վերլուծել նրա գիտական ներդրումները
• Պարզել, թե ինչպես են նրա հայտնագործությունները ազդել ժամանակակից մաթեմատիկայի և գիտության վրա 

Նախագծային աշխատանքի վերջնարդյունքներն են՝

• Ներկայացնել, թե ինչպես կարելի է մաթեմատիկական և համակարգչային գիտելիքները  օգտագործել կյանքում:
• Հիմնավորել սեփական կարծիքը:
• Ուշադիր լսել ընկերներին, որպեսզի վերջում կարողանան գնահատել:
• Պատրաստել գրքույկ-բրոշուր։

Նախագծային աշխատանքի խնդիրներն են՝

• Կենսագրական տվյալների հավաքում
• Մաթեմատիկական աշխատանքների ուսումնասիրում
• Կյանքի հետաքրքիր փաստեր և ուսումնասիրություններ
• Մաթեմատիկոսների համեմատություն 
• Ապահովել ուսումնաօժանդակ նյութերով
• Նախագծային աշխատանքը վերահսկել՝ չթելադրելով սեփական կարծիքը
• Աշակերտներին ինքնուրույն աշխատելու հնարավորություն տալ:

Նախագծային աշխատանքի առաջնային նպատակներն են՝ 

• Խթանել սովորողի ինքնազարգացումը՝ նոր փորձ ձեռք բերելու, գիտելիքները կիրառելու համար,
• Օժանդակել սովորողների անհրաժեշտ կրթական կարողունակությունների և բովանդակային գիտելիքների ձևավորմանը,
• Զարգացնել համապատասխան հմտություններ ձևավորել կյանքի և աշխարհի մարտահրավերներն ընդունելու համար անհրաժեշտ արժեհամակարգ,
• Ապահովել սովորողների փոխհամագործակցությունը հետազոտական աշխատանքի կատարման ընթացքում: 

Նախապես ներկայացվել է նախագծային աշխատանքի թեման, կազմվել է ուսումնական նախագծի պլան, թեմատիկ պլան, որում հստակ սահմանվել են այն աշխատանքները, որոնք պետք է իրականացվեն հանդիպումների ընթացքում, և կատարվել է աշխատանքի բաժանում։ Աշխատանքի ընթացքում յուրաքանչյուր սովորող իրականացրել է նախագծային աշխատանքի պլանով սահմանված աշխատանքը։ Ուսումնական նախագծի նախապատրաստական փուլից միչև ավարտի օրը յուրաքանչյուր աշակերտ պարբերաբար կատարել է գրառումներ՝ ինքնագնահատման և անդրադարձի ժամանակ տվյալները օգտագործելու նպատակով:
Նախագծային աշխատանքի թեման ընտրվել էր «Մի Մաթեմատիկոսի պատմություն։ Մաթեմատիկան առանց բանաձևերի» միջառարկայական  նախագիծը, որն իրականացվել է  7-րդ «Ա» դասարանի աշակերտների կողմից:

Նախագծային աշխատանքի փուլերը՝

1. Նախագծային աշխատանքի սկզբում որոշվել է աշակերտների անվանացանկը, կատարվել է աշխատանքի բաժանում, գնահատվել են նախագծում ընդգրկված աշակերտների հնարավորությունները: 
2. Սիրուշ Բաղդասարյանն ու Օլյա Ղուլյանը համատեղ կազմակերպել և վերահսկել են նախագծի գործունեությունը, լսել սովորողների կարծիքները, դրանց հիման վրա բաշխել աշակերտների դերերը: 
3. Նախագծային աշխատանքի խմբում ընդգրկված աշակերտների հետ հանդիպումներն իրականացվել են նախատեսված ժամաքանակից մի քանի անգամ ավել (շաբաթական 2-3 անգամ): Հանդիպումների ժամանակ ուսումնասիրվել և քննարկվել են աշակերտների կողմից ներկայացված փաստարկները, տեղեկությունները, թերություններն ու առավելությունները, տրվել խորհուրդներ՝ աշակերտներին նախապատրաստելով պաշտպանությանը:
4. Հավաքագրվել է մաթեմատիկոսների կյանքի և գործունեության մասին տեղեկույթներ
5. Աշակերտներն ուսումնասիրել են մաթեմատիկոսների գործունեությունները, կենսագրությունները և հայտնագործությունները։

Կատարված աշխատանքի արդյունքում սովորողները կարողացան ներկայանալ և ներկայացնել իրենց ու իրենց կողմից կատարված աշխատանքը: Համառոտ նկարագրեցին կատարված աշխատանքը` ինչ խնդիր են դրել, ինչու են ընտրել հենց այդ թեման, ինչպիսին է աշխատանքի արդյունքը, որն է նախագծի արդյունավետությունը:

Նախագծային աշխատանքն ավարտվել է գրավոր թեստային աշխատանքով ու պաշտպանությամբ: Արդյունքներն ամփոփվել են, կատարվել է միավորային գնահատում:

«Մի Մաթեմատիկոսի պատմություն։ Մաթեմատիկան առանց բանաձևերի» նախագծային աշխատանքում ընդգրկված աշակերտներից Էրիկ Միրզոյանը համակարգել է խմբի անդամների կատարած աշխատանքները, հավաքագրել է տեղեկույթ մաթեմատիկոսների մասին: Նա ցուցաբերել է իր տրամաբանական կարողությունները, նպաստել համագործակցային միջավայրի ստեղծմանը:

Մխիթար Բակունցը ներկայացրել է Անանիա Շիրակացու թողած հետքը հայ և միջազգային մաթեմատիկական ասպարեզում, նախաձեռնել է բազմաթիվ կազմակերպչական աշխատանքներ, պատրաստել է սահիկաշար: Նրա մոտ ձևավորվել են թիմային աշխատանքի հմտություններ:

Յուլյա Օհանջանյանը հավաքագրել է տեղեկույթ անգլիացի ֆիզիկոս, մաթեմատիկոս, աստղագետ, ալքիմիկոս, փիլիսոփա և աստվածաբան Իսահակ Նյուտոնի մասին, Ցուցաբերել է աշխատասիրություն` տրված հանձնարարությունները ժամանակին կատարելով: Նա օգնել է ընկերներին տեղեկույթի հավաքագրման գործընթացում` ցուցաբերելով համագործակցային աշխատանքի հմտություններ, ընկերներին օգնելու պատրաստակամություն: 

Ալեքս Սահակյանը հավաքագրել է մաթեմատիկոս, ֆիզիկոս և փիլիսոփա Ռենե Դեկարտի կենսագրական տվյալները, հետաքրքրվել է հայ մաթեմատիկոսների կենսագրություններով, հավաքագրել տեղեկույթ, հետաքրքիր փաստեր: Նրա մոտ ձևավորվել է վստահություն սեփական ուժերի հանդեպ, հետաքրքասիրություն մաթեմատիկայի նկատմամբ:

Գոռ Գրիգորյանը հավաքագրել է Արիստոտելի մասին տեղեկույթ, նրա մոտ ձևավորվել են մաթեմատիկական մտածողության նոր որակներ, քննադատական մտածողություն, նա յուրովի է սկսել ընկալել մաթեմատիկական տեղեկույթը, այնտեղ գտնել իր հարցերի պատասխանները: 

Մարի Մալինցյանը հավաքագրել է Գաուսի վերաբերյալ տեղեկույթ։ Նախագծային աշխատանքի արդյունքում սովորել է բանավիճել ընկերների հետ, լսել տարբեր կարծիքներ, դառնալ ավելի հանդուրժող: 

Մարի Հովսեփյանի մոտ ձևավորվել է պատասխանատվության զգացում` հանձնարարված աշխատանքները կատարելու, ինչպես նաև թիմային աշխատանքի հմտություններ: Նա հավաքագրել և ուսումնասիրել է Պյութագորասի կյանքն ու գործունեությունը: Կարողացել է իր գիտելիքների ողջ պաշարն օգտագործել նախագծային աշխատանքի հաջող իրականացման համար:

Նարեկ Ջավահիրյանը մասնակցել է սահիկի պատրաստման աշխատանքներին, ցուցաբերել է նախաձեռնողականություն, նպատակասլացություն, փաստերը հավաքագրելու, համադրելու ունակություններ: Հավաքագրել է Պյութագորասի կյանքի ու գործունեության մասին հետաքրքիր փաստեր, ցույց տվել նրա` որպես մաթեմատիկոսի ունեցած ավանդը: Նրա մոտ ձևավորվել է սեփական կարծիքը պնդելու և արտահայտելու կարողություն: 

Բենիկ Աթայանը ընդհանրացրել է ֆիզիկայի և աստղագիտության բնագավառում Իսահակ Նյուտոնի կատարած հետազոտությունները: Նրա մոտ ձևավորվել է համբերատարություն, ընկերներին լսելու և գնահատելու կարողույուններ:

Պաշտպանության ընթացքում աշակերտներն անկեղծ պատասխանել են տրված հարցադրումներին` որքանով է օգտակար նախագծին մասնակցելը, ինչ են սովորել, ինչպես են աշխատել, ինչ նոր գաղափարներ ունեն նախագծի շարունակական լինելու հետ կապված:

Նախագծային աշխատանքի իրականացման արդյունքում ստեղծվել է գրքույկ, որում տեղ են գտել մաթեմատիկոսների կյանքի ու գործունեության մասին պատմող տվյալներ, ինչպես նաև «Մաթեմատիկան առանց բանաձևերի» բաժնում տեղ են գտել խնդիրներ, որոնց լուծման համար բանաձևեր անհրաժեշտ չեն։