Միջազգային գիտական հանդեսում «НАУКА БЕЗ ГРАНИЦ» (IV Международный научно-исследовательский конкурс, eLIBRARY, Crossref, DOI) լույս է տեսել Գորիսի Յուրի Բախշյանի անվան թիվ 3 հիմնական դպրոցի տնօրենի պաշտոնակատար Սերգեյ Ավանեսյանի, «Աշխարհագրություն» առարկայի ուսուցչուհի, Գորիսի պետական համալսարանի Ընդհանուր մանկավարժության և հատուկ կրթության ամբիոնի դասախոս Հերմինե Ալավերդյանի, «Ինֆորմատիկա/ԹԳՀԳ» առարկայի ուսուցչուհի, Գորիսի պետական քոլեջի Մաթեմատիկայի, ինֆորմատիկայի և տնտեսագիտության ամբիոնի վարիչ Օլյա Ղուլյանի համատեղ հոդվածը՝ «Սովորողների քննադատական մտածողության զարգացումը որպես ժամանակակից կրթության պահանջ և մանկավարժական խնդիր» («Развитие критического мышления учащихся как требование современного образования и педагогическая задача») վերնագրով:

Քննադատական մտածողության ձևավորումն ու զարգացումն այսօր հանդիսանում է կրթության գլխավոր նպատակներից մեկը: Ժամանակակից կրթության համար կարևոր խնդիր է ձևավորել քննադատական մտածողություն զարգացնող կրթական համակարգ ու միջավայր: Ուստի հարց է առաջանում, թե որքանով են ՀՀ կրթական համակարգի բարեփոխումների առջև դրված նպատակները նպաստում այս խնդիրների լուծմանը:

Հետևաբար, մեր նպատակն է հասկանալ, թե որքանով է ՀՀ կրթական համակարգը ձևավորում և զարգացնում քննադատական մտածողություն, սահմանել քննադատական մտածողության կարևորությունը հասարակության վերափոխման առումով, և վերջապես ներկայացնել առաջարկություններ, թե ինչպես կարելի է քննադատական մտածողությունը դարձնել մեր սովորողներին բնորոշ հմտություն:

Հոդվածին կարող եք ծանոթանալ սեղմելով այստեղ (էջ 21):

Հոդվածի հայերեն տարբերակը՝ այստեղ:

Հոդվածի ռուսերեն տարբերակը՝ այստեղ: