ՀՀ կրթության, գիտության, մշակույթի և սպորտի նախարարության, ԿԶՆԱԿ հիմնադրամի և Գորիսի Յուրի Բախշյանի անվան թիվ 3 հիմնական դպրոցի համագործակցությամբ իրականացվող 2025 թվականի մենթորական ծրագիրն ավարտին է հասնում՝ ամփոփելով արդյունքները և ներկայացնելով ձեռքբերումները։

Ծրագրի ընթացքում Գորիսի Յուրի Բախշյանի անվան թիվ 3 հիմնական դպրոցը համագործակցել է կրթագոտու 15 կրթական հաստատությունների հետ՝ ապահովելով մասնագիտական աջակցություն և փորձի փոխանակում հետևյալ դպրոցների հետ. Գորիսի թիվ 2 հիմնական դպրոց, Գորիսի Սերո Խանզադյանի անվան թիվ 6 հիմնական դպրոց, Խնածախի, Հալիձորի, Հարթաշենի, Ներքին Խնձորեսկի, Շուռնուխի, Որոտանի, Վաղատուրի, Վերիշենի, Տաթևի, Տեղի թիվ 2, Քարահունջի և Քարաշենի միջնակարգ դպրոցներ։

Մոտ մեկ տարվա ընթացքում որպես մենթոր/աջակցող դպրոց՝ Գորիսի Յուրի Բախշյանի անվան թիվ 3 հիմնական դպրոցն իրականացրել է 12 վերապատրաստման դասընթաց, որոնք համակարգվել են դպրոցի տնօրենի պաշտոնակատար, ծրագրի համակարգող Սերգեյ Ավանեսյանի կողմից։ Դասընթացները կազմակերպվել են ծրագրային պահանջներին և չափորոշիչներին համաձայն՝ ապահովելով բարձր մասնագիտական որակ։

Ծրագրին ներգրավվել է կրթագոտու դպրոցների 455 ուսուցիչ, որոնք ընդգրկվել են 19 խմբում։ Դասընթացներին փաստացի մասնակցել է 436 ուսուցիչ, ապահովելով 96․3% մասնակցություն։

12 դասընթացների ընդհանուր ծավալը կազմել է 78 ակադեմիական ժամ (58․5 ժամ)։

Դասընթացների թեմաները ներառել են արդի կրթական մոտեցումներ և ոլորտային կարևոր ուղղություններ․

• Ապատեղեկատվության դեմ պայքար. ինքնության հիմքով ձևավորված կարծրատիպեր
• Գենդեր-արձագանքող ուսուցումը դպրոցում
• Գենդեր-արձագանքող ուսուցումը դպրոցում
• Հակակոռուպցիոն կրթությունը դպրոցում
• Խաղաղաշինական կրթությունը դպրոցում
• Ծնողավարություն
• Ձևավորող գնահատումը մաթեմատիկայի, հանրահաշվի և երկրաչափության դասերին
• Ձևավորող գնահատումը մայրենիի, հայոց լեզվի և գրականության դասաժամերին
• Ձևավորող գնահատումը պատմության և հասարակագիտության ժամերին
• Հանրակրթական ուսումնական հաստատության ուսուցչի մասնագիտական չափանիշներ
• Քննադատական մտածողություն
• Թվային քաղաքացիական կրթություն։

Գորիսի Յուրի Բախշյանի անվան թիվ 3 հիմնական դպրոցի տնօրենությունը շնորհակալություն է հայտնում ՀՀ կրթության, գիտության, մշակույթի և սպորտի նախարարությանը, ԿԶՆԱԿ հիմնադրամին՝ վստահության և համագործակցության համար, ինչպես նաև կրթագոտու դպրոցների բոլոր տնօրեններին, համակարգողներին և մասնակից մանկավարժական անձնակազմին՝ ակտիվ ներգրավվածության, պատասխանատվության և համատեղ աշխատանքի համար։