Նախատեսվում է 2022-2023 ուսումնական տարվանից սկսած «Կենսաբանություն» առարկայի առարկայական մարզային օլիմպիադան անցկացնել և՛ տեսական, և՛ գործնական (լաբորատոր) տարբերակով:
Օլիմպիադաների մարզային (Երևանի քաղաքային) փուլի առաջադրանքները կազմում են Հանրապետական առարկայական հանձնաժողովները: Առաջադրանքները ՀՀ կրթության, գիտության, մշակույթի և սպորտի նախարարությունը կտրամադրի մարզային կրթության վարչություններին օլիմպիադաների անցկացման օրը՝ էլեկտրոնային տարբերակով:
Հոկտեմբերի 12-ին ոստիկանության Գորիսի բաժնի անչափահասների գործերով և ընտանիքում բռնության կանխարգելման խմբի տեսուչ, ոստիկանության մայոր Լիլիթ Դավթյանը հանդիպում է ունեցել Գորիսի Յու. Բախշյանի անվան թիվ 3 հիմնական դպրոցի աշակերտների հետ։
Փակ, գաղտնի քվեարկության միջոցով, ձայների պարզ մեծամասնությամբ Աշակերտական խորհրդի նախագահ ընտրվեց 8-րդ «Ա» դասարանի աշակերտ Ստելլա Քոչարյանը, իսկ խորհրդի քարտուղար ընտրվեց 9-րդ «Բ» դասարանի աշակերտ Անահիտ Բակունցը:
Գորիս համայնքի ղեկավար Առուշ Առուշանյանը շնորհավորել է Գորիսի Յու. Բախշյանի անվան թիվ 3 հիմնական դպրոցի մանկավարժական անձնակազմին՝ Ուսուցչի օրվա կապակցությամբ:
Ի սրտե շնորհավորում եմ ձեզ մասնագիտական տոնի առթիվ: Հարգանքն առ ուսուցիչ նույնն է, ինչ հարգանքն առ ծնող, առ հայրենիք, քանի որ ուսուցչի կերպարը՝ իր բացառիկ դերով ու կատարած ամենակարևոր աշխատանքով, հավասարազոր է արժեքներից բարձրագույնին:
Այսօր Արցախի դեմ Ադրբեջանի սանձազերծած 44-օրյա պատերազմի երկրորդ տարելիցն է. երկու տարի առաջ այս օրը Ստեփանակերտում լսվեցին պայթյունների առաջին ձայները: Մարտական լայնածավալ գործողություններ ընթացան արցախա-ադրբեջանական շփման գծի ողջ երկայնքով, ինչպես նաև հայ-ադրբեջանական շփման գծի որոշ հատվածներում:
Ուղիղ երկու տարի առաջ այս օրը` առավոտյան 7:10 -ին, Ադրբեջանը, Թուրքիայի բացահայտ աջակցությամբ, համալրված նաև վարձկան ահաբեկիչներով, Լեռնային Ղարաբաղի ուղղությամբ հարձակում սկսեց: Հայաստանում և Արցախում հայտարարվեց ռազմական դրություն և զորահավաք:
